chatالمواضيع الأخيرة
مدخل وبوابة حصرى لاحلى منتدىaccess_timeالأربعاء 13 أكتوبر 2021 - 22:03personboualem02
كود عرض الاقسام بشكل مربعات وحصريaccess_timeالأربعاء 13 أكتوبر 2021 - 20:45personboualem02
حصرى قالب ارسال الموضوع لاحلى منتدىaccess_timeالأربعاء 13 أكتوبر 2021 - 20:17personboualem02
كود تسريع المنتدي الجديد لأحلى منتديaccess_timeالأربعاء 13 أكتوبر 2021 - 19:56personboualem02
اعلان : سوف يتم تغيير مظهر موقع صن سيتaccess_timeالأربعاء 13 أكتوبر 2021 - 17:58personبوعلام
[Css]لجعل الاكواد فى المواضيع بشكل احتراافىaccess_timeالأربعاء 13 أكتوبر 2021 - 17:23personبوعلام
كود صندوق الردود الجديد بشكل مطورaccess_timeالأربعاء 13 أكتوبر 2021 - 17:15personبوعلام
مواضيع مماثلة
أشخاص في صن سيت
مشاهدة المزيد

نُشر بواسطة:

رحمة
فريق الادارة

فريق الادارة
تاريخ النشر:
الثلاثاء 9 أغسطس 2016 - 1:29
اسم الدولة : :
مصر
العمر :
20
عدد المساهمات :
894
المعجبون بمواضيعى :
228

كلمات دليلية:

قصه استقامتى..يمكن تفيدك

قصه استقامتى..يمكن تفيدك Images?q=tbn:ANd9GcTW5DXC6eNUMIO5x_CYzoVVUxdv83r6JLU0w1wQSUORdMjcbWmqyw

ف فترة من حياتى كنت سئ جداً .. كل حياتى كانت غلط ف غلط .. و ف يوم كده اتخنقت من ال كنت فيه و كنت حاسس بضيق كبير كأن قلبى كان بيغرق ف بحر من السواد و عايز يطّلع علي الوش ياخد أى نفس .. و ف اللحظة دى أذن مؤذن صوته جميل لأذان العشاء .. انا فاكر اللحظة دى كويس كنت قاعد مع صحابي بنهزر روحت باصصلهم و قولتلهم " ماتيجو نصلى " .. انا مش عارف ازاي قلت كده و هم كمان استغربوا من الجملة كأنى ضربتهم ب فحل بصل ف وشهم و لقيتهم باصينلى باستغراب ..
المهم انا ولا كأنى واخد بالي نزلت من السكن و رجلى سحبتنى للمسجد .. دخلت إتوضيت و صليت مع الجماعة .. و حسّيت إنى اخدت نفس بعد خنقة كبيرة .. رجعت السكن حسّيت اني لِسَّه محتاج تانى .. رحت واخد دش وماسك المصحف ده فى ظل استعجاب من صحابي "دخلت أوضتى قفلت عليا و قلت أصلى من المصحف لأنى كنت ساعتها مش حافظ قرآن كتير ..
المهم قلت عايز سورة كبيرة بس ماتكونش البقرة عشان باسمعها كتير .. عايز حاجة اكون مسمعتهاش خالص .. فتحت سورة آلِ عمران و صليت .. و بعد اول ركعة و انا ف السجود لقيتنى بادعى لربنا و باقول انا آسف يا رب سامحنى .. أنا بأعمل حاجات كتير غلط و ماشوفتش منك غير كل ستر و رحمة و رزق و كرم .. و قلت " أنا بحبك أوى يا رب " استغربت الجملة بعد ما قلتها و قلت ايه ده ؟ هو انا ينفع أقول لربنا انا بحبك اوي يا رب .. و حسّيت اني قلت حاجة غلط ف قلت أنا آسف يا رب و رحت قايم بسرعة من السجود و دخلت ف الركعة التانية و مسكت المصحف و أول آيه قريتها بعد الدعاء ده كانت
قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ ۗ وَاللَّهُ غَفُورٌ رَحِيم
مش هاقولكم على احساسى ف اللحظة دى و رعشة ايدى و دموعى اللي غرقت المصحف و انا حاسس ان ربنا بيكلمنى .. انا عايز أقول حاجة تانية خالص .. الحمد لله إنى سمعت الاذان وهز كياني .. و الحمد لله ان لما رجلى ساقتنى للمسجد .. سبتها ..
هتجيلك فرصة للحظة تحسسك إنك عايز تبعد عن الغلط .. إوعى تضيعها ..
احبكم في الله ^^