• أفضل 4 أعضاء هذا الشهر
أشخاص في صن سيت
مشاهدة المزيد
مواضيع مماثلة
استعرض الموضوع السابقاذهب الى الأسفلاستعرض الموضوع التالي

عوضــــــوه او سيبـــــــــوه Empty عوضــــــوه او سيبـــــــــوه

sameh semsem
sameh semsem
النجمتان الفضيتان 50%
النجمتان الفضيتان 50%
اسم الدولة : : United Arab Emirates
العمر : 38
عدد المساهمات : 118
المعجبون بمواضيعى : 15
تمت المشاركة في الثلاثاء 17 يونيو 2014 - 15:32
اللى باصين للمغترب ... احسدوه وعوضوه :

● عوضوه عن أول شعره بيضه في راسه .
● عوضوه عن خلعة قلبه في المكالمه بتاعة أبوك مات وخليك علشان متعملش مشاكل مع كفيلك .
● عوضوه عن النومه اللي نامها مع 10 في أوضه واحده بيعملوا حمام بالطابور .
● عوضوه طيب عن البنت اللي سافر علشان يجيب لأهلها طلباتهم ، رجع لقاها معاها عيال .
● عوضوه عن جوازه من بنت تكون مناسبه ليه مش من جيل تاني غير جيله .
● عوضوه عن حضن أمه ، عارفين معنى حضن الأم ياولاد ال %$##@ ؟!!
● عوضوه عن كرامته وعزة نفسه لما كفيله " يقوله أنا هخليك مذلول كده وهاسيبك زى المطلقه ، جوازك في جيبي .
● عوضوه عن تغاضيه لما يبلع كذب أهله كل مايكلمهم ويقولوا إنهم كويسين .
● عوضوه عن قيمته كبني أدم متعلق بإمضاء أو ختم من كفيله .
● عوضوه عن دموعه ودموع أهله في لحظة وداع في المطار .
● عوضوه عن عرقه و تعبه وحرصه وإلتزامه .
● عوضوه عن أكله نفسه ياكلها أو لبس نضيف .
● عوضوه عن إنتظاره سنه أو سنتين علشان يعيش 20 يوم ولا شهر وسط أهله بنضافه .
● عوضوه عن مشاعره وعلاقته بأهله وصحابه ومراته وعياله اللي إتحولت إلي علاقه إليكترونيه .
● عوضوه عن قلقه لما يجيله تليفون يقولوا إبنك تعبان أو امك تعبانه أو أبوك تعبان !!
● عوضوه عن لحظة لما يجيله تليفون يقوله البقاء لله أبوك مات ، البقاء لله أمك ماتت ، شد حيلك .
● عوضوه لو عمل حادثة ومات ، إبقوا عوضوه عن جنازته اللي محضرهاش غير التسعه اللي معاه في الأوضه .
إحساسكم اللي كونتوه عن صورته لما نزل أجازه وشايل موبايل بكاميرا ولابس طقم نضيف وبيركب تاكسي مش ميكروباص .
إحساسكم دا محتاج مراجعه لصورته وشكله قبل ما ينزل بيومين .
عوضوه ... أو في حاله سيبوه .....

عوضــــــوه او سيبـــــــــوه Empty رد: عوضــــــوه او سيبـــــــــوه

سناء يوسف
سناء يوسف
النجمتان الذهبيتان
النجمتان الذهبيتان
اسم الدولة : : مصر
العمر : 27
عدد المساهمات : 460
المعجبون بمواضيعى : 50
تمت المشاركة في الجمعة 20 يونيو 2014 - 1:10
ياحنين
ههههه كلامك ضايع
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى
Top