chatالمواضيع الأخيرة
مدخل وبوابة حصرى لاحلى منتدىaccess_timeالأربعاء 13 أكتوبر 2021 - 22:03personboualem02
كود عرض الاقسام بشكل مربعات وحصريaccess_timeالأربعاء 13 أكتوبر 2021 - 20:45personboualem02
حصرى قالب ارسال الموضوع لاحلى منتدىaccess_timeالأربعاء 13 أكتوبر 2021 - 20:17personboualem02
كود تسريع المنتدي الجديد لأحلى منتديaccess_timeالأربعاء 13 أكتوبر 2021 - 19:56personboualem02
اعلان : سوف يتم تغيير مظهر موقع صن سيتaccess_timeالأربعاء 13 أكتوبر 2021 - 17:58personبوعلام
[Css]لجعل الاكواد فى المواضيع بشكل احتراافىaccess_timeالأربعاء 13 أكتوبر 2021 - 17:23personبوعلام
كود صندوق الردود الجديد بشكل مطورaccess_timeالأربعاء 13 أكتوبر 2021 - 17:15personبوعلام
استايل حصري لاحلى منتدي 2017 بشكل جديدaccess_timeالجمعة 8 أكتوبر 2021 - 17:05personboualem02
مواضيع مماثلة
أشخاص في صن سيت
مشاهدة المزيد

نُشر بواسطة:

سلمى
النجمة الفضية
النجمة الفضية
تاريخ النشر:
الإثنين 8 يونيو 2020 - 22:22
اسم الدولة : :
مصر
العمر :
18
عدد المساهمات :
7
المعجبون بمواضيعى :
3

كلمات دليلية:

مواقف مينفعش احنا ك بنات نعملها



مينفعش تتكلمي عن أخوكي الي مفيش منه قدام صحبتك الوحيده اللي معندهاش اخوات ولاد 💙🦋

وأنتي طالعه السلم وحد طالع وراكي أقفي وخدي جمب وخليه يطلع هو قدامك وأطلعي وراه دا بالنسبه لو كان راجل💙🦋

مينفعش تضحكي بصوت عالي في الشارع علشان متلفتيش الأنظار ليكي ومحدش يضايقك💙🦋

لو سمعتي فضيحه حد قولي اللهم أسترنا وخليها تتوقف عندك ومتقوليش لحد💙🦋

لو ولد قالك بحبك
قوليله أدخل البيت من بابه صاحب البيت راجل مش أشباه رجال💙🦋

لو بنت مش كويسه ومش بتتقبل نقضك علي أسلوبها وطريقته بلاش تقولي عليها مش كويسه وأدعيلها بالهدايه كلنا معرضين للموقف دا يا قمر ومحدش معصوم من الغلط💙🦋

مينفعش لما تبقي قاعده مع اتنين من اصحابك تمدحي في واحده وتسيبي التانيه💙🦋

مينفعش لما تكوني بتكرهي حد وحد قاعد معاكي بيحب الشخص دا تحاولي تكرهي فيه لمجرد انك بتكرهيه💙🦋

مينفعش لما تقع منك حاجه علي الأرض تنزلي تجيبيها وانتي موطيه لازم تنزلي علي ركبك وضهرك يكون مفرود علشان محدش يبص عليكي💙🦋

مينفعش تذكري غيرك بالشر أذكريه بالخير حتي لو فيه الشر💙🦋

متدخليش في علاقه مع ولد حتي لو كانت صداقه لانه حرام يا قمري ولا متخذات أخدان.. 💙🦋

مينفعش تعملي الغلط او الحرام بحجة ان الكل بيعمله لان الباطل باطل حتي لو الكل بيعمله💙🦋

مينفعش تشوفي منشور او استوري عن الصلاة ع النبي او الاستغفار وتطنشي لا اذكري الله وافتكري الآية الكريمة ف (سورة النور ) قوله تعالى :
"يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُون"َ💙🦋

مينفعش تشوفي صاحبتك بتوقع في منكر او شئ غلط وتسيبيها لا روحي لها وانصحيها وعرفيها الصح من الغلط💙🦋

مينفعش تشوفي صاحبتك عايزة مساعدتك وتتخلي عنها إلا لو كنتي انتي مش هتقدري تساعديها💙🦋

مينفعش تبقي مسلمة وتسيبي صلاتك ومينفعش تبقي مسلمة ولبسك لا يمت للاسلام بأي صلة مينفعش تبقي مسلمة وتسمعي اغاني مينفعش تبقي مسلمة و عندك علاقات محرمة مينفعش تبقي مسلمة وهاجرة للقرأن ومينفعش تبقي مسلمة وانتي بتنمي ع خلق الله كل دي حاجات المفروض تكوني دايمة عليها مش علشان شيخة لا ده علشان انتي مسلمة كل ده فرض علينا 💙🦋

مينفعش لما صحبتك تقولك اي رأيك في الطقم بتاعي تقولي وحش أو لما تقولك اي رأيك في اللبس تقولي مش حلوه عليكي لاء💙🦋

قولي الطقم جميل والله بس لو كان كدا كان هيبقي يجنن عليكي أو تقولي علي الطرحه لو تلفيها بالطريقه كذا هتبقي قمر 💙🦋

نقي الالفاظ ي جميله 💙🦋

خلي بينك وبين أي شخص مسافه في كل حاجه علشان لو حد اقترب من نقاط ضعفك هتبقا مشكله كبيره💙🦋

مينفعش تتكلمي مع غير محارمك إلا للضرورة ومتخضعيش بالقول لأنك متعرفيش اللي قصادك نيته او تفكيره اي💙🦋

مينفعش تبقا حد بينصحك لاجل مصلحتك وانتي تردي بكل برود وتقولي ملكيش دعوة او انتي مالك ..اشكريها انها نصحتك وخايفة عليكي💙🦋

مينفعش تسخري من صاحبتك او صحابك اللي مستواهم اقل منك سواء الدراسي او المادي .. انتي متعرفيش يمكن عند ربنا احسن او يمكن تبقا ف يوم احسن💙🦋

مينفعش تحكمي علي حد من مجرد موقف حصل ممكن يكون خبرته قليله ومش عارف يتعامل مع الموقف ده💙🦋
مينفعش تتكلمي مع ولد في الخاص لأن دي خلوه وحرام 💙🦋

اما تبقي ماشية ف الشارع وتلاقي واحدة لبسها مش كويس ادعي لها بالهداية مش تكرهيها او تتريقي عليها💙🦋

مينفعش تتكلمي عن ملابسك والاسعار وكدا قدام الناس علشان في بنات بتشتري هدوم بسيطه جدا وبفلوس بسيطه اوي وممكن طقمها يكون حد مديهولها💙🦋

مينفعش تتكلمي عن مامتك او باباكي قدام صحبتك اليتيمه💙🦋

مينفعش تقرأي وتستفادي ومش تدعي لي 😂💙🦋#منقول.

نُشر بواسطة:

سناء يوسف
النجمتان الذهبيتان
النجمتان الذهبيتان
تاريخ النشر:
الأربعاء 10 يونيو 2020 - 19:01
اسم الدولة : :
مصر
العمر :
28
عدد المساهمات :
484
المعجبون بمواضيعى :
50

كلمات دليلية:

رد: مواقف مينفعش احنا ك بنات نعملها

ده بجد تأليفكُ؟ 🤔🤔🤔🤔🤔