• أفضل 4 أعضاء هذا الشهر
أشخاص في صن سيت
مشاهدة المزيد
مواضيع مماثلة
استعرض الموضوع السابقاذهب الى الأسفلاستعرض الموضوع التالي

انت عايش ليه؟ #رمضان_يجمعنا ح2 Empty انت عايش ليه؟ #رمضان_يجمعنا ح2

راجية الشهادة
راجية الشهادة
النجمة الذهبيه
النجمة الذهبيه
اسم الدولة : : مصر
العمر : 20
عدد المساهمات : 297
المعجبون بمواضيعى : 40
تمت المشاركة في السبت 25 أبريل 2020 - 19:12
2 رمضان 1441ه‍

انت عايش ليه !؟
لو مسألتش نفسك السؤال دا قبل كده ..يبقا تأكد إن حياتك ماشيه بشكل عشوائى ..ماشيه بالبركه و زي ما تيجى ..وغالباً انت عايش بتسلى وقتك لحد ما الموت يجيلك ..👌🏻🤷🏻‍♀

لو لقيت عندك إجابه للسؤال دا ..تأكد انك عارف المكان الى المفروض توصل له ..وناقص بس انك ترسم الطريق الصح الى المفروض تمشى فيه عشان يوصلك للمكان دا ✋🏻
حاول تتخيل معايا كده ..انت واقف عند نقطه..
•____________ •
والمفروض فى نقطه تانيه هتوصلها ..
ومابين النقطتين دول فى طريق المفروض تمشيه عشان توصل ..إذا كنت عايز توصل فعلا 🤷🏻‍♀
وهنتكلم فى الايام الجايه ان شاء الله عن الحاجات الى هتساعدك توصل ..

طب تخيل كده لو انت ماشى ماشى ماشى ..ومش عارف انت عايز تروح فين اصلا ..هتفضل طول حياتك ماشى فى طرق مختلفه ..انت مش عارف ان بتعمل فيها اي اصلا ..لأن ببساطه انت مش عارف رايح فين 🤷🏻‍♀

النهارده ..و أول حاجة لازم تتعلمها فى حياتك ____ *الهدف*
النقطه التانيه الى المفروض توصلها ..

خلينا نوضح تعريف الهدف ..
- هو نتيجة نهائية قابله للقياس والملاحظة عن طريق القيام بمهام معينه خلال فترة زمنية محددة
- هو نهاية عملية لـبداية نظرية لتحقيق الغاية المرجوة

ياترى عايز توصل ل إي !؟
إي مرادك !؟
إي النتيجه الحاسمه الى تسعى ليها !؟
ياترى إي المكان الى يليق بتعبك ويستحق انشغال دماغك بيه !؟
إجابة كل الأسئلة دى عندك انت بس ..انت الوحيد الى تقدر تجاوب على الأسئله دى لنفسك ..لأنك ببساطه مش محتاج حد غيرك يعرف الإجابه اد ما لازم انت الى تكون عارف الإجابه ..✋🏻

كتير مننا حياته عشوائية بشكل يجلب الوجع والحزن والاكتئاب ..عشان مش محدد السبب الأساسي الى هو عايش عشانه !!
لو مااستغلتش وكرست كل حاجة بتعملها فى حياتك عشان توصل لهدفك يبقا دا مش هدف كبير يستحق انك توصله ..
تقدر تعتبر ان الهدف دا ..هو سبب وجودك اصلا ..
وباقى الحاجات الى انت عايزها تقدر تسميها رغبات ..احلام ..طموحات ..امنيات ..سميها زي ما تسميها ..😕
اهم حاجة ان هدفك فى الحياة يكون يستحق فعلا انه يكون هدف ..
هتتعب ..هتاخد كل مجهودك ..وقتك ..نفسك الى بتتنفسه .. الساعات القليله الى بتنامهم ..وصحيانك بدرى ..وتأجيل ترفيهك عشان هدفك ..هتيجى على حاجات كتير بتحبها عشان هدفك ..هتحارب الكون كله وأولهم نفسك عشان هدفك دا ..تخيل 😳🙄

طب تعالو اسألكو سؤال بقا ..
ياترى اي هدفك فى الحياة !؟
الفلوس ..السلطه ..النعيم ..الشهرة ..النجاح ..!؟
الله ..كل دى حاجات حلوه اووى وبصراحه اي حد بيسعى ليها ..وحاجات تستاهل ..☺
بس تعالى كده ..
بعد ما توصل للحاجات دى ..ها إي تانى ؟🤓
هااا إي تانى ..وبعدين !؟
- طلعوا أمنيات و رغبات !!
- أني أسف 🥺
انت عايش ليه؟ #رمضان_يجمعنا ح2 Img_ee10
لا لا ركزوا معايا ..ياترى اي الوصول الى ما بعده وصول !؟
اي الحاجه الى لما اوصلها مقدرش اقول إي تانى !؟

*الجنة* !!!😳
فيها ما لا عين رأت !!😳

(وما خلقت الجن والإنس إلا ليعبدون)

الحقيقه الى مستحيل حد يقدر يهرب منها ..هي ان النهايه الوحيده الى هتقدر توصلها حاجة من اتنين ..
• جنة ❤
أو
• نار 💔
ربك بيقول ( كُلُّ نَفْسٍ ذَائِقَةُ الْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ ۖ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ )
يعنى انت واقف عند نقطة ..ونهايتك هتكون نقطة من الاتنين دول ..
وطبعا مش هسألك نفسك توصل ل أي نقطة فيهم ..لأن وبلا شك كلنا عايزين نوصل للجنة 🤷🏻‍♀❤

طب إي المانع انك تخلى الجنة هي هدفك الكبير الى توصله فى النهايه بعد تعب كتير و صراع فى دنيا هي اصلا دار ابتلاء !؟
توصل وترتاح خالداً فيها ابدا بعد تعب ..ولا توصل وتتعذب خالداً فيها أبدا بعد تعب بردو !؟
هتقدر تتعذب دنيا واخره !!

صعب جدا ..بس تقدر تلاقى نعيم بعد تعب ..والتعب دا لو انت حاطت فى دماغك انك بتعمل كل دا عشان هدف يستاهل ..هتلاقى التعب دا راحه ومتعه ..🤍
ايوه راحه ومتعه ..لما تتعب هتلاقى نفسك فرحان ..
عارف انت الى هو تعبك راحه 🤭
انت مش حاسس انك بتعب أصلا ..وخلى بالك يا صديقى ..انك حتى لو تعبت ..ربنا بيقولك ( فَإِنَّ الْجَنَّةَ هِيَ الْمَأْوَىٰ )💛

هتلاقى الكون كله بينتقدك ويعلق على كل حاجة بتعملها وقليل الى هيشجعك ..
انتى گ بنت مثلا هتسمعى كلام زي ( الخمار مكبرك ..النقاب مخليكى زي العفريت ..و ..غيره كتير من الكلام الى بتسمعوه اليومين دول ) لكن ولاااااا يحركلك ساكن أصلا طالما انتى مقتنعه ان الى بتعمليه هيوصلك للجنة😌
الى هو وانت مالك ..عاجبنى الجنه وهعمل عشانها اي حاجه هشوفها هتوصلنى ليها ..
اشمعنا مسمعتش صوت حضرتك يا فندم إلا لما خلقت لنفسى هدف عايزه اوصله !؟😏
مهو طالما انت مقولتليش على طريق أمشى فيه ..ووجودك كان زي عدمه فى حياتى ولا أثر عليا ..فمعلش يعنى مش هتيجى دلوقتى بكلمتين تأثر على تمسكى بالهدف الى خلقته لنفسى 🤷🏻‍♀
هتحارب الكون كله يا صديقي ..هتتعب عشان توصل ..
بس خلينا متفقين ان حياتك هتكون مرسومه ومحددة الملامح ..
هتعيش دنيا و دين ❤
لازم يكون ليك هدف من أي خطوه بتاخدها ومن أي حاجة بتعملها ..لااازم لازم ✋

ربنا بيقول ( إن الذين آمنوا وعملوا الصالحات كانت لهم جنات الفردوس نزلا )
على الاقل انت هتمشى فى طريق مضمون ..ربك وعد وعايزه اقولك *إن وعد الله حق* يا صديقى 💙
(وَنَادَىٰ أَصْحَابُ الْجَنَّةِ أَصْحَابَ النَّارِ أَن قَدْ وَجَدْنَا مَا وَعَدَنَا رَبُّنَا حَقًّا )

عايزه اقولك حاجة مهمه جدا ..👇
إنك لو نكرة وملكش لازمه وحد تافه ..حضرتك ولا هتفرق حاجة مع الناس لأن ببساطه انت اصلا مش فارق مع نفسك ..
تعرف الناس بيفرق معاهم اي !!؟
الناس بيفرق معاهم الشخص الناجح الى بيعمل حاجات هم مش عارفين يعملوها ..وعدم معرفتهم مش عشان هم اقل منك فى حاجه ..لا دا عشان معندهمش مثلا الى يقولهم ويفوقهم من غفلتهم.. فالعزيمه جواهم نايمه ..محدش صحاها 🤷🏻‍♀
هيحاولوا يطفوا نار الاراده جواك عشان تكون زيهم وهم كده هيحسوا بالانتصار ..
انت بقا دورك اي !! المفروض تكون متمسك بهدفك واياك تتنازل عن انك تحققه 👌🏻

هتوصل يعنى هتوصل ..اصحى لنفسك وشوف الوقت الى بيضيع منك ..
انت فى الوقت الى انت واقف فيه ومش بتتحرك سواء بقا حزين ..تعيس ..فاقد الامل ..مكتئب ..عايزه اقولك ان مفيش حاجة فى الدنيا بتقف معاك ..خااالص
انت بتقف لوحدك وكل حاجة بتمشى ..حتى الوقت الى مسموح ليك تعيشه هو كمان بيمشى ..وبتقرب من النهايه ..وبتقرب ..وبتقرب ..
ياريت تفوق ..عايزين نفوق ونمسك فى اي حاجه بتفوقنا ✋🏻

تمسك بالناس الى بتشجعك ..الناس الى فى ضهرك وبتحبلك الخير💙
عشان الجنة تستاهل .. ربك بيقول :
( لَا يَسْتَوِي أَصْحَابُ النَّارِ وَأَصْحَابُ الْجَنَّةِ ۚ أَصْحَابُ الْجَنَّةِ هُمُ الْفَائِزُونَ )

تعالوا اكلمكم شوية عن الجنة 😊
وخير الكلام هو كلام ربنا فى الحديث القدسي بيقول : («أعددت لعبادي الصالحين ما لا عين رأت، ولا أذن سمعت، ولا خطر على قلب بشر، فاقرؤوا إن شئتم: "فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ")
انت مش متخيل يعنى اي كلمة *جنة* !!❤
طب هسألكم سؤال انا لما بسأله لنفسي بحس بسعادة لا توصف ..(تخيل كده انت هتعيش فى الجنة لحد امتى!؟) 😮
عقلي قاصر عن تخيل المدة الى هعيشها فى الجنة ..الى هو خالداً فيها أبدا ..عارفين يعنى اي هتقعد تتنعم لمدة هي أصلا مش مدة ..هي الخلود ..😮

تعرف كمان ان..جعل الله لكل واحد من بني آدم منزلين: منزلًا في الجنة وآخر في النار، فمن كتب لهم السعادة من أهل الجنة يرثون منازل أهل النار التي كانت لهم في الجنة..
قال العزيز الحكيم: " أُولَئِكَ هُمُ الْوَارِثُونَ.. الَّذِينَ يَرِثُونَ الْفِرْدَوْسَ هُمْ فِيهَا خَالِدُونَ "💙
هو دا الورث بقا الى تقدر تعافر فى دنياك عشانه ..هو دا المكان الى يليق بيك ..

تخيل ان الملايكه بتنادى عليك تقول : (ادْخُلُوا الْجَنَّةَ لَا خَوْفٌ عَلَيْكُمْ وَلَا أَنتُمْ تَحْزَنُونَ )
القران مليان آيات عظيمه لو حسيتها بقلبك هتحس بجمالها فعلا ..
طب حاول تتخيل معايا ربك بيقول ( قِيلَ ادْخُلِ الْجَنَّةَ ۖ قَالَ يَا لَيْتَ قَوْمِي يَعْلَمُونَ )
ياريتهم يعرفوا ويشوفو النعيم الى انا فيه عشان يتقوا ربنا ويحرصوا على الجنه 👌
ناس كتير من الى فارقوا الحياة وشافوا النعيم بيتمنوا لو يرجعوا يوم واحد الدنيا يقولولكم ان الجنه جميله 😊💙

إحنا محتاجين ندخل الجنة جداا ..عايزين بعد تعب طويل نرتاح فى دار النعيم ..
(مَّثَلُ الْجَنَّةِ الَّتِي وُعِدَ الْمُتَّقُونَ ۖ تَجْرِي مِن تَحْتِهَا الْأَنْهَارُ ۖ أُكُلُهَا دَائِمٌ وَظِلُّهَا ۚ تِلْكَ عُقْبَى الَّذِينَ اتَّقَوا ۖ )
متخيل كمية النعيم.. الى انا جبت بعض الآيات عشان اوضحهولك ..والى فى القران اكتر واكتر ..
طب متخيل إن رغم كل الى ربنا ذكره فى القران ربنا قال بردو ..فيها مالا عين رأت !!💜

عايزه اقولك ان محدش هيدخل معاك قبرك ..محدش هيتحاسب معاك ..محدش هينفعك غير نفسك وبس ..مفيش حد هتقدر تلومه عشان مقالكش ان الجنه حلوه ..❤
وأخيراً عايزه اقولك حاجة مهمه👇 ..
احنا كلنا بنغلط ..ويمكن معظمنا كان فى غفله ومكنش واعي ..ومش عيب عليك انك تفوق وتصحى لنفسك ..لكن العيب انك تفضل مستمر فى غفلتك عشان خايف الناس تتريق عليك ..عشان عامل حساب لكلام الناس لما يشوفوك اتغيرت للأحسن ويفتكروا انك كنت زمان حاجه وحشه ويعايروك ✋
وعايزه اقولك انت بردو ..إياك تعاير حد بذنب عمله زمان طالما اتغير للأحسن ..
(كَذَٰلِكَ كُنتُم مِّن قَبْلُ فَمَنَّ اللَّهُ عَلَيْكُمْ ) 👌
بلاش تتعامل مع الناس وخلي عندك يقين إنك بتعامل رب الناس 💙

إياك تتنازل عن الجنه ..إياك تنسى ان الدنيا دار ابتلاء وان مش هي دى حياتنا اصلا ..حياتنا هناك 💛

عايزين نكون "الَّذِينَ يَرِثُونَ الْفِرْدَوْسَ هُمْ فِيهَا خَالِدُونَ "💛

بوست النهارده طويل شوية عشان تقدر تقنع نفسك ان الى هتقرأه فى الايام الجاية وهتعمله بعد كده يستاهل فعلا ..
ياريت أي حد يكون استفاد بأي حاجة ولو كلمة واحده حتى..ويفيد بيها غيره ..ومش عايزه غير دعوة صادقة لعلها تساعدنى ادخل الجنة ❤
انتظروا بوست بكرة إن شاء الله الساعة 10 فى نفس المعاد ..
#رمضان_يجمعنا
رمضان كريم💙

انت عايش ليه؟ #رمضان_يجمعنا ح2 Empty رد: انت عايش ليه؟ #رمضان_يجمعنا ح2

رشيد
رشيد
فريق الادارة

فريق الادارة
اسم الدولة : : اللبنان
العمر : 34
عدد المساهمات : 2230
المعجبون بمواضيعى : 71
تمت المشاركة في الأحد 26 أبريل 2020 - 1:58
بارك الله بكم

انت عايش ليه؟ #رمضان_يجمعنا ح2 Empty رد: انت عايش ليه؟ #رمضان_يجمعنا ح2

راجية الشهادة
راجية الشهادة
النجمة الذهبيه
النجمة الذهبيه
اسم الدولة : : مصر
العمر : 20
عدد المساهمات : 297
المعجبون بمواضيعى : 40
تمت المشاركة في الإثنين 27 أبريل 2020 - 13:28
شكرا لك كل عام وانتم بخير
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى
Top