شعبان شهر رفع الأعمال إلى الله
تخيل
- كل أعمالك السنة اللي فاتت بكل ما فيها هترفع إلى الله
- كل مثقال ذرة من عمل صالح و كل مثقال ذرة في معصية
هيرفع إلى الله فى شعبان
- كل صلاة صليتها و كل صلاة فرطت فيها
- كل نظرة في المصحف وكل نظرة حرام
- كل كلمة غيبة ونميمة وكل كلمة دعوة إلى الله
يا ترى هنتغير و نتوب قبل ما الأعمال ترفع إلى الله ؟
لازم تقف مع نفسك قبل رفع الأعمال ... لازم تقف مع اللي فات 
شعبان وما أدراك ما شعبان
أنت راكب أي مركبة 
مركبة الأعمال الصالحة ولا مركبة الغفلة ؟لازم تقف وقفة مع نفسك.. وقفة مع ذنوبك 
قبل بداية شعبان و قبل رفع الأعمال 
أسأل نفسك - صحيفتك هتروح فين جنب صحف الصوامين القوامين؟
ياترى إيه أعظم عمل هيترفع في صحيفتك السنة دي ؟ يا ترى إيه العمل اللي عملته و أنت بتبكي وقلبك كله شوق لربنا سبحانه وتعالى؟ إيه العمل اللي في صحيفتك ربنا هيرفعك بيه في عليين ؟ يا ترى إيه العمل اللى ِ عملته ومفيش مخلوق يعرفه ..عمل بيينك و بين ربنا و بترجو إن ربنا يغفر لك بسببه كل النقص اللي في صحيفتك؟ تخيل لما الصحيفة تكون مليانة بكاء ودعاء و استغفار و أعمال صالحة 
والله يطلع عليها فيحبك و يرضى عنك؟
- ماذا لو قبلت صحيفتك؟!
- ماذا لو قبل عمل عملته؟
- ماذ لو قبلت خطوة واحدة من خطواتك في السعي إلى الله سبحانه وتعالى
تخيل الإصطفاء و الاجتباء والرفعة والهداية والسداد والوصول إلى الله اللى هترزق بيه لو تقبل الله أعمالك و الحسنات اللي في صحيفتك الحق توب و صلح قبل الصحيفة ما تتقفل ! إياك ان تغفل عن شعبان... فالعمر محدود ... ولا ندرى انبلغ رمضان ام نلقى الله
اللهم بلغنا واهلنا واحبتنا والمسلمين رمضان وارزقنا صايمه وقيامه والعتق من النار
الشيخ حازم شومان 
