#قصه_وفكره
كنت راكب الطياره في مره ومشغل فيلم كرتون ..
واحد قاللي هقولك نصيحه الفيلم ممكن تشوفه في اي وقت مش هتفرق لكن دلوقتي الطياره ماشيه في مسار مش كل الناس بتعدي فيه .. حاول تبقى مميز و تسيب اثر في المكان ده ذكر او قرآن عشان يشهدلك يوم القيامه !!

ربنا سبحانه وتعالى بيقول {يَوْمَئِذٍ تُحَدِّثُ أَخْبَارَهَا }[الزلزلة:4] .. قالوا في تفسير الآيه دي ان الأرض هتشهد بكل حاجه اتعملت عليها يوم القيامه

طيب ايه رأيك ان المؤمن لما بيموت المكان اللي كان بيصلي فيه بيبكي عليه !!!

عن سعيد بن جبير قال :
أتى ابن عباس رجل ، فقال : يا أبا عباس أرأيت قول الله تبارك وتعالى (فَمَا بَكَتْ عَلَيْهِمُ السَّمَاءُ وَالْأَرْضُ وَمَا كَانُوا مُنظَرِينَ ) فهل تبكي السماء والأرض على أحد ؟

قال : نعم إنه ليس أحد من الخلائق إلا له باب في السماء منه ينزل رزقه ، وفيه يصعد عمله ، فإذا مات المؤمن فأغلق بابه من السماء الذي كان يصعد فيه عمله ، وينزل منه رزقه ، بكى عليه; وإذا فقده مصلاه من الأرض التي كان يصلي فيها ، ويذكر الله فيها بكت عليه ، وإن قوم فرعون لم يكن لهم في الأرض آثار صالحة ، ولم يكن يصعد إلى السماء منهم خير ، قال : فلم تبك عليهم السماء والأرض .

حاول كل مكان جديد تروحه تسيب فيه اثر (صلاه - او حتى ذكر ) .. قال أبو الدرداء :اذكروا الله عند كل حجيرة وشجيرة لعلها تأتي يوم القيامة فتشهد لكم "
منقول
#صلوا_علي_رسول_الله