أشخاص في صن سيت
مشاهدة المزيد
مواضيع مماثلة
استعرض الموضوع السابقاذهب الى الأسفلاستعرض الموضوع التالي

في عيد الام  Empty في عيد الام

عمرو السمهودى
عمرو السمهودى
النجمة الفضية
النجمة الفضية
اسم الدولة : : مصر
العمر : 18
عدد المساهمات : 5
المعجبون بمواضيعى : 0
تمت المشاركة في الجمعة 30 مارس 2018 - 11:59
بكتبلكم عن شيء ميتكتبش
بوصفلكم شخص ميتوصفش
بكتبلكم عن واحدة
ف الحقيقة
الكلام ف وصفها منه مينشبعش
بكتبلكم عن وطن
بكتبلكم سكن
بكتبلكم عن حضن
بكتبلكم عن وردة
اتزرعت فيا
من غير ما قلبي يظن
انها تطرح شوك
أو ف يوم تطرح حزن
بكتبلكم عن أمي
بكتبلكم عن غصن
بنحتمي فيه علي طول
بكتبلكم عن حضن
بنرتمي فيه دايما
وعمره ما كان علينا حمول
بكتبلكم عن واحدة
اتعمل ليها عيد الأم
بكتبلكم عن لحاف بيضم
ف عز البرد والسقعة
بكتبلكم عن شخص
يلم بقايا أفراحي الواقعة
هي ….
هي عنيا
اللي بشوف بيهم الخير والشر
هي اللي من غيرها
أكيد هضر
بوصفلكم ف سكون
شخص بقدرته
إنه يكون الكون
متستغربوش
تستغربوش من كتر مدحي فيها
م وجودها مش مضمون
م أهي ف الآخر بشر
هيجلها يوم وتسيبنا
والقلب لو حجر
كان ساعتها أنبنا
وإن قلبكم بيساع
يومين .. تلاتة .. ف شهر
فقلبها بيساع حتي لآخر الدهر
يجوز يكون الأب
هو الضهر والسند
لكن لحظة غيابه
علي أمي بتسند
يجوز راسي مرفوعة قدامكم
ومقدرش احنيها
لكن بنحني لربي
وبنحني إليها
قلب أمي زي الشجر
بنحدفه بالطوب
فينزلنا ف ثمار
كأنه أصيص اتزرع ف وسط النار
ولساه برده بينبتلنا أزهار
الأم ف الأصل منة
بيجري من تحتها
متتشفش إلا ف الجنة
فحافظوا عليها
لأن بسببها
الألم بينزاح عنا
يجوز قالوا ، يجوز سكتوا
يجوز اجتمعوا ، واختلفوا
يجوز وافقوا ، يجوز اتفقوا
انها ف الحقيقة متتقدرش
لذلك انا مقدرش
يجي عيدها واتجاهل
وأقول إني مبعبرش
ما أنا عايز الحق
حطام قلبها قبل ميتآكل
وإن كنت ف الحقيقة كبرت
وبطلت إني أتواكل
فأنا قصادها مبكبرش
لساني طفل بيماطل
قاعد يا أمي لوحدي بحاول أكتبلك
لكن ف الحقيقة
مفيش شيء يقدر يعبرلك
مهو لو مكنتيش بشر
ساعتها كنتي هتبقي ملاك
طاير ف السما
ومش هقدر أوصلك
سيبيني أعبرلك
وأعذريني يا أمي
لو كان شعري مبيعبرش
مهو ف الحقيقة أنا مقدرش
أوصف شيء
ف الحقيقة ميتوصفش






عمرو السمهودي

في عيد الام  Empty رد: في عيد الام

ليلى خالد
ليلى خالد
النجمة الذهبيه 20%
النجمة الذهبيه 20%
اسم الدولة : : السعوديــة
العمر : 25
عدد المساهمات : 303
المعجبون بمواضيعى : 78
http://layla20102010l@yahoo.com
تمت المشاركة في الجمعة 30 مارس 2018 - 17:07
بارك الله فيك @عمرو السمهودى

في عيد الام  Empty رد: في عيد الام

عمرو السمهودى
عمرو السمهودى
النجمة الفضية
النجمة الفضية
اسم الدولة : : مصر
العمر : 18
عدد المساهمات : 5
المعجبون بمواضيعى : 0
تمت المشاركة في الجمعة 30 مارس 2018 - 22:20
شكرا ليكي
ع راسي والله في عيد الام  1f60d
ربنا يديمك سند
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى
Top