موقع صن سيت
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

موقع صن سيتدخول

descriptionموضوع خاص لاصحاب الهموم Emptyموضوع خاص لاصحاب الهموم

more_horiz
كل واحد فينا مر عليه وقت تعب شديد حس فيه باليأس والعجز وأن كل حاجه خلاص اتدمرت و....
بس اللي ركع ودعا ربنا واشتكاله واستغفر كتير اكيد عرف يعني ايه استغفار ويعني ايه طلب الرحمة من اللي خلقك ...

أنا واحد من الناس سافرت واتغربت واشتغلت في مهنة بتعامل فيها كل يوم مع ناس كتير سواء بمزاجي أو غصب عني .. كل الفئات من عامل بسيط فقير لصاحب سلطة وغني ... منافق وصاحب قلب ابيض .. اشكال والوان وجنسيات ....

اتعلمت ان اكبر غلط انك تتعامل مع ل شخص علي حسب شخصيته وردود فعله لأن ده هيخلق منك انت انسان متناقض وان الصح انك تتعامل بأخلاق طيبه مهما كان اللي قدامك ..

وعرفت ان مهما كان الانسان معاه من مال الدنيا مش زي ابدا الانسان اللي علي خلق ...

الحياة لفت بيا ووقعت كتير وتعبت اكتر وفي الأخر بعد كل محاولاتي في العناد والمقاوحه في الدنيا ملقتش غر طريق واحد بس هو اللي سالك وهو اللي فيه راحه ....

عرفت واتعلمت وآمنت فعلا اننا اللي بنوقع نفسنا في التعب ومحدش هيظلمك .. انت اللي بتظلم نفسك بالخروج عن كل حاجة ربنا قالها ... {وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ وَيَعْفُو عَنْ كَثِيرٍ} .

نسينا ربنا ونسينا القرآن ونسينا الصح وبقينا نتعلم من النت .. من افلام كلها هجص ... من الشارع ... عاملين نفسنا فاهمين الدنيا من كام مشكلة وقعنا فيها ... كل واحد فاكر ان جرحه اسطورة محدش حاسس بيها .. وشايف ان قصته تنفع يتعمل منها افضل فيلم درامي يفوز بالأوسكار .... بس للأسف احنا مغيبين ...

في سورة طه ربنا قال {ما أنزلنا عليك القرآن لتشقى} وفي السورة نفسها: {ومن أعرض عن ذكري فان له معيشة ضنكا} يعني بدون ذكر ربنا ... الرساله اكيد واضحه ...

حاول تطهر قلبك بالقرب من ربنا ... هتقولي برجع أغلط ... اغلط وارجع ... حاول لحد ماتلاقي قلبك بدأ يخشع ويحس بخشوع من رحمة ربنا وبقولك قلبك مش عقلك كما قال تعالى ( نزله على قلبك ) وقال ( نزل به الروح الأمين على قلبك ) مقالش على عينك ولا على سمعك ربك خاطب اللي عنده قلب كما قال ( إن في ذلك لذكرى لمن كان له قلب) ..

ومهما تغلط زي ما قلتلك أرجع ده ربنا طمنك في رسالته ۞ قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ (53)

ياتري ناوي تبص أمتي في المراية .... ياتري ناوي تفهم ان كل حاجة ماشية بإرادته سواء بمزاجك او غصب عنك امتي ..... ياتري ناوي تمشي امتي في الطريق الصح !!!!

مين فينا جرب الاستغفار الكتير واتخذل ؟؟!!
مين ركع وبكي ومحسش براحة ....
مين يابن آدم ....
لا فلوسك ولا قوتك ولا جبروتك ولا ذكائك هينفعوك ...
كلنا في الأخر تراب ومن تراب .. ماشيين فوق تراب وهنرجع تراب .... تحت التراب !!

#نقطة_و_من_أول_السطر
#لو_نبص_للواقع_و_نسيب_الخيال

descriptionموضوع خاص لاصحاب الهموم Emptyرد: موضوع خاص لاصحاب الهموم

more_horiz
شكراااا جزيلا

rate_review إقرأ أيضاً في عالم موقع صن سيت

assistant يجب عليك إنشاء حساب جديد أو تسجيل الدخول لإستخدام الرد السريع و كافة مميزات صن سيت

assignment إنشاء حساب جديد

chevron_left يمكنك إنشاء حساب مجانى جديد لإستخدام كافة مميزات صن سيت person_add إنشاء حساب جديد

assignment_ind تسجيل الدخول

chevron_left يمكنك تسجيل الدخول إذا كان لديك حساب بالفعل person تسجيل الدخول

آخر مواضيع صن سيت

اخترنا لكم

Top