موقع صن سيت
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

موقع صن سيتدخول

descriptionنصيحة قبل ماتشتري جهازك Emptyنصيحة قبل ماتشتري جهازك

more_horiz
نازله تشترى جهازك ركزي معايا كويس بقا
إوعى تخلى حد يضحك عليكى حتى لو والدك ووالدتك
الأطقم لازم تكون أغلى وأنضف حاجه وبأعلي سعر
اه يا بنتى أمال عايزاهم يقولوا عليكى إيه ؟!
جايبه حاجات رخيصه

الحاجات اللي بيجيبوا فيها 4 هاتى إنتى 8
وإللى بيجيبوا فيها 6 هاتى 12
يعنى الضعف من كل حاجه
أمال إيه ما هو لازم تكونى مختلفه عن الكل ومحدش يتكلم عليكى

نيجي بقى للحاجات إللى ملهاش ستين لازمه
إللى بتتحط فى النيش دى
سامعاكى ياللى بتقولى إيه مالهاش لازمه دى

معلش يا أنسه مش هنصحك على بعض
أصلها بتترص وتتحط مكانها لحد ما تخلل وهى مركونه ومحدش بيجى ناحيتها
لحد ما التراب يملاها
ومش بعيد تكونى جده و معاكى حاجتك

بس بردو لازم تجيبيها وتجيبى فوقيها كمان
إنتي عايزه صاحبتك إللى جابتها تبقى أحسن منك

الحاج قالك يا بنتى خفى شويه كده كتير
والفلوس مش هتكفى
والحاجه تقولك في حاجات ملهاش لازمه

هتقولى يعنى إللى جابوا أحسن مني فى إيه
عايزين أهل جوزى يتريقوا عليا يعنى
يرضيكم وكمان ما كل البنات بتجيب حاجات جت عليا

وبعدين سيبك منهم وكملى إللى إنتى فيه
طبعا كل الاطقم اللي ليها لازمه وإللى ملهاش
حتى لو مش هتستخدميها لازم بردو تجبيها

أمال هتفرجى الناس علي إيه لما ييجوا يزوروكى ما يصحش بردو
بالله عليكى فرحانه باللى بتعمليه ده

مبسوطه وإنتى شايفه والدك ووالدتك وهما مغلوبين على أمرهم كده

هتفرحى لما والدك يداين أو يقترض ويعيش طول عمره مهموم بالدين
تفتكرى الحاجات دى إللى بتجيب السعاده والفرحه

تفتكرى الناس هيحبوكى ومش هيتكلموا عليكى لما تعملى كده ؟!
تفتكرى ربنا هيباركلك في حياتك وإنتى مشيله والدك ووالدتك الهم

حسي بيهم شويه وإرحميهم لله
متتجبريش عليهم

النبى قال
" أقلهن مؤنه أكثرهم بركه " ❤

هاتى المعقول ومتحمليهومش فوق طاقتهم
وهتلاقى ربنا مباركلك في حياتك

إنما هتبصى لدى ودى والله هتفضلى طول عمرك لا سعيده
ولا راضيه
ولو عندك كنوز الدنيا

إرضى وربنا هيراضيكى وهيباركلك في حياتك

خليكي قدوه لباقى البنات
وإللى تفتح باب زياده وطلبات ملهاش لازمه فى جهازها إنتى إقفليه بالعقل والحكمه وشجعى غيرك إنهم يكونوا زيك
وميختاروش غير إللى هيحتاجوه وبس

متبصيش لغيرك وتقولى إشمعنى
علمى غيرك يصون النعمه
نصيحة قبل ماتشتري جهازك 10418949_1510053062591849_4429449140689983440_n
#كفايه ُغالاه

متتجبريش

#ارحمى #والدك #شويه
#ربنا #هيباركلك

descriptionنصيحة قبل ماتشتري جهازك Emptyرد: نصيحة قبل ماتشتري جهازك

more_horiz
كلاااااام جمييييييييييييييل
فعلا الجهاز لازم يشمل الحاجه اللى هتجتاجيها بس..مش افتراء وخلاص

descriptionنصيحة قبل ماتشتري جهازك Emptyرد: نصيحة قبل ماتشتري جهازك

more_horiz
كلام منطقي

rate_review إقرأ أيضاً في عالم موقع صن سيت

assistant يجب عليك إنشاء حساب جديد أو تسجيل الدخول لإستخدام الرد السريع و كافة مميزات صن سيت

assignment إنشاء حساب جديد

chevron_left يمكنك إنشاء حساب مجانى جديد لإستخدام كافة مميزات صن سيت person_add إنشاء حساب جديد

assignment_ind تسجيل الدخول

chevron_left يمكنك تسجيل الدخول إذا كان لديك حساب بالفعل person تسجيل الدخول

آخر مواضيع صن سيت

اخترنا لكم

Top