chatالمواضيع الأخيرة
حصرى : كود اضافات للعضو توضع اسفل الموضوعaccess_timeالإثنين 19 يوليو 2021 - 17:05persondzweb
استايل جوال خفيف لاحلى منتديaccess_timeالأحد 11 يوليو 2021 - 22:36personم/أميــــر2006
فوائد الذرة الصفراءaccess_timeالأحد 11 يوليو 2021 - 12:14personDr/Aber
موضوع كامل عن النميمةaccess_timeالأحد 11 يوليو 2021 - 12:09personداليا
مواضيع مماثلة
أشخاص في صن سيت
مشاهدة المزيد

نُشر بواسطة:

داليا
رئيس المشرفين

رئيس المشرفين
تاريخ النشر:
السبت 11 فبراير 2017 - 2:52
اسم الدولة : :
مصر
العمر :
28
عدد المساهمات :
824
المعجبون بمواضيعى :
152

كلمات دليلية:

ازاى ترد على كل شخص يناقض الاسلام

بص عشان تفهم اللي بيحصل ..
• هيقولك : دينك بيرجم واحدة حتى الموت .. عشان بتحب واحد ..
بس مش هيقولك أنها واحدة متجوزة و خانت جوزها و زنت مع واحد غيره .. فا كانت عقوبتها كدا .. و كذلك لو راجل متجوز و خان مراته .. يستحق يموت بالطريقة دي عشان الناس تتعظ .. مفيش مبرر للخيانة ..
• هيقولك : ربك بيغضب لو دخلت الحمام باليمين مش الشمال ..
بس مش هيقولك أن دا كذب لأن مفيش أي نص صحيح بيقول أن ربنا بيغضب لو عملت كدا .. الموضوع دا عبارة عن آداب و نظام .. زي ما هو بيتفشخر بالإتيكيت و بيعتبره قمة في الرقي و زي ما في پروتوكول لكل دولة و الناس بتحترمها .. فا الدين بينظم لنا حياتنا بشكل راقي جدا ..
• هيقولك : إلهك عنده تعطش دموي و حد السرقة و القصاص و كدا ..
بس مش هيقولك أن دا كدا دليل أنه إله عظيم لدرجة أنه يحط حدود رادعة كدا عشان اللي يفكر يسرق فلوسك يعرف أن إيده هتتقطع و اللي يفكر يقتل يعرف أنه هيتقتل لأنك غالي عند ربنا و فلوسك غالية .. بس مش هيقولك أن الدول الكافرة اللي هو بيتفشخر بقوانينها الوضعية .. عندها قوانين ردع صارمة برضه .. الحدود تخويف في الأصل .. و لما بتتنفذ بتبقا نظام ردع عشان لما حد يغلط و يتعاقب .. الباقي يخاف ..
• هيقولك : النبي بتاعك قتل 700 واحد و دبحهم ..
بس مش هيقولك أن دول كانوا يهود بني قريظة .. و أن دا كان حكم ربنا فيهم لأنهم خانوا العهد فِـ غزوة الأحزاب و كان في اتفاقية دفاع مشترك بين المسلمين و اليهود بتنص أنهم لازم يدافعوا عن أي اعتداء خارجي ع المدينة ( اللي هي دولتهم كلهم ) و النبي أكّد ع الاتفاقية دي قبل الغزوة و مع ذلك خانوا العهد و تحالفوا مع قريش أنهم يدخلوهم للمدينة عشان يقتلوا المسلمين .. و دي خيانة عظمى .. و خليه يروح يشوف كدا عقوبة الخيانة العظمى في الدول دلوقتي عاملة إزاي ..
• هيقولك : الفتوحات الإسلامية كانت احتلال بحد السيف ..
بس مش هيقولك أن الدين رفع كمية ظلم عظيمة عن الناس في بلاد الفرس و الروم و الأندلس و غيرها .. و لا هيقولك أن الدين أقام العدل و حارب الحكام الظلمة اللي بيفرضوا ضرايب باهظة جدا على الناس و يستعبدوا الشعوب و لا هيقولك أن الفتوحات أقامت حضارات عظيمة و جامعات و مكتبات عملاقة و تطور حضاري عالمي و منارات للعلم في العالم كله .. مش هيقولك أن الفتوحات دي كانت إنقاذ للي عايشين في ظلام الكفر و من غير إكراه ع الدين .. مش هيقولك أن الحق لازم يبقا معاه قوة تحميه عشان في أعداء كتير للحق دا و مش هيسيبوه ينتشر بسهولة ..
دا الشغل الفكسان اللي بيعملوه و أنت عمال تسمع فِـ شبهات من غير ما تعرف المعلومة الحقيقية فين .. اتعلم دينك الأول من مصادره الصح .. بطل تضيع وقتك في الاشتغالات دي .. دا مونتاچ رخيص .. جدا ..