دا مركز بيانات جوجل، دا المكان الفعلي المادي إللي بنقصده لما بنقول كلمة "الإنترنت" هنا البيانات إللي بنبحث عنها متخزنة.
جوجل أول ما بدأت (في 1998) كان بيتعمل عليها 500,000 بحث في اليوم، النهاردا جوجل بيتعمل عليها 2.3 مليون بحث في الثانية! يعني 100 مليار بحث في الشهر، لكل بحث منهم جوجل بتأخذ 200 عامل في الإعتبار قبل ما توصل للمستخدم أفضل النتائج في 1 على 8 من الثانية، أرشيف البحث بتاع جوجل يحتوي على 100 مليون جيجا من البيانات وبتتضاعف بسرعة البرق.
جوجل تتخطي 2.3 مليون بحث في الثانية! 14702284_225166181230870_1417216090422563059_n
100 مليار سؤال شهرياً كانوا هيفضلوا في دماغ أصحابهم بدون أي إجابة، لكن دلوءتي بيتجاوب عليها في أقل من ثانية، ومش إجابة رديئة ولا من شخص واحد، بل من معرفة العالم كله وأفضلها (إللي الناس كانت زمان بتصرف ملايين وتقضي عشرات السنين عشان تجيب أقل من %1 منها!) في جزء من الثانية. بالنسبة لي دي من أعظم الصور في تاريخ الوجود ولو قلنا عليها من عجائب العالم هنبقى بنبخس عظمتها كتير جدًا.