المواضيع الأخيرة
قم بالاعجاب لصفحة موقع صن سيت على الفيسبوك ليصلك كل جديد ...
مركز رفع صور

اشخاص فى صن سيت
مشاهدة المزيد
المتواجدون الآن ؟
ككل هناك 21 عُضو متصل حالياً :: 0 عضو مُسجل, 0 عُضو مُختفي و 21 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 1792 بتاريخ الأحد 29 يناير 2017 - 11:31

يوميات طالب ثانوي ...مش مطحون .

استعرض الموضوع السابق استعرض الموضوع التالي اذهب الى الأسفل

يوميات طالب ثانوي ...مش مطحون .

مُساهمة من طرف meto في الإثنين 3 أكتوبر 2016 - 23:42

يوميات طالب ثانوي ...مش مطحون .
فيه حاجات هقولكم عليها تساعدكم في المذاكرة ولكن في حاجة واحدة مش هقدر اعملها لكم ولكنها في غاية الأهمية
هعطيكم ادوات ومهارات جيدة للمذاكرة ولكن الشئ اللى مش ممكن اعطيهولك ولا في حد يقدر يعطيهولك هو الارادة
الارادة دي في ايديكم انتم ...حدد هدفك من الآن وماذا تريد أن تحقق وابدأ في التنفيذ واعلم ان لكل هدف رئيسي اهداف مرحلية تؤدي إليه
مفيش مادة بحبها ومادة بكرهها كل مادة عندك ليك فيها هدف وهو الحصول على الدرجة النهائية فيها تعالوا نبدأ بيوم طالب ثانوي مش مطحون

• مكان المذاكرة :
بيكون على مكتب في حجرة بعيدة عن المشوشات تليفزيون - نت - موبايلات - والسرير
مفيش مذاكرة على السرير غير لمادة السرير فقط اللى فيها حفظ بس ونخلي الحفظ كله قبل مانام بشوية
• افضل اوقات المذاكرة ودا علميا : تنام الساعة 11 مساء وتصحى الفجر وبعد الصلاة والاذكار وقراءة آيات من القرآن لتنشيط الروح الايمانية نبدأ من الساعة 6 صباحا لحد الساعة 7 ص
هنذاكر في التوقيت ده مواد الرياضيات والفيزياء والميكانيكا أو أي مادة تنشط العقل
• الإفطار الجيد
وقبل الذهاب للمدرسة الصبح لازم وجبه الافطار الجيدة الخالية من الفول والطعمية
مكوناتها : تكون وجبة افطار خفيفة عبارة عن جبنة - بيض - لبن - زبادي - خبز - زيتونة - عسل اسود ودا جميل الصبح ملعقتين قبل اي حاجة بيساعد على تقوية الذاكرة انا بكلمك كلام علمي
وعسل النحل جيد ايضا ... وبدون الافطار آخرك الساعة 10 صباحا وهتلاقي نفسك فاصل شحن والتركيز بدأ يقل والارهاق والصداع والرغبة في النوم ..
• في الطريق للمدرسة :
هتحضر نفسك للذهاب للمدرسة مش كده ؟ طيب هتمشي مع زملائك يفضل من نفس تخصصك ولو بتروحوا المدرسة مشي اتكلموا في حاجات عن المذاكرة مش فاهمنها .. خلو الحوار لايخرج كثيرا عن نطاق العلم
المشي كويس بينشط الدورة الدموية ورياضة رائعة وياريت تمشوا على قد ما تقدروا .. خفوا من التكاتك .. تفتح حوار طول الطريق مع زميلك عن اي موضوع في مادة دراسية ولو حاجة انت مش فاهمها او عايز تثبت المعلومة عندك وممكن تشرحها لزميلك هتفهمها وهتثبت عندك اكتر وبكده استفدنا من نص ساعة في الطريق في شئ مفيد
لو بتروحوا المدرسة في مواصلات يبقي هنعمل كتاب بتاع المواصلات عادة هيكون قصة نستمتع بها في الطريق وفنفس الوقت بنذاكر معلومات
• في المدرسة :
استفيد من كل وقت في الحصة مخصص لكل مادة وتحضر نفسك كويس للدرس الجديد وتحاول تسأل وتفهم من المعلم مترهقش نفسك كتير طول اليوم خاصة في الكلام الكتير والرغي وخلافه لأن بيجيب صداع وارهاق وتعب شديد ..... خلص اليوم الدراسي وبدأت الدروس
• وفي الدرس منعديش حاجة مش فاهمنها وبعد تعب وارهاق اليوم حان موعد الغداء
• وجبة الغداء :
نيجي لوجبة الغدا تكون عبارة عن طبق أرز + ربع فرخة او 150 جم لحمة أو سمكتين كبار أو بيضتين + خضار + خضروات وطبق السلطة مهم جدا
مش هناكل كتيير ...يعني لو بنجمع كل اللى هناكله في طبق واحد هيكون كالتالي
هنقسم الطبق اربع تربع ربع الطبق ارز والربع خضار والربع سلطة والربع الاخير للبروتينات اللى قولنا عليها
امتلاء المعدة له اثار سلبية على الجسم كله شعور بالنوم .. والكسل وفتور بالجسم والعقل .. والسبب ان الدم اللى في جسمك كله بيتجه نحو المعدة للمساعدة في هضم الطعام ويقل وصوله للمخ بإلاضافة إلى ان التنفس بيقل وبيقل معاه الدم المؤكسج وبالتالي نشعر بالرغبة في النوم العميق بسبب الاسراف في الطعام .اشرب شاي زي مانت عايز بس بعد الأكل بشوية مش أقل من ساعتين للحفاظ على نسبة الحديد
واجعل وقت للراحات بين المواد وبعضها البعض وفي الفاصل ده تناول ثمرة فاكهه وممارسة اي رياضة خفيفة
ووقت ما قبل النوم اللى هو الساعة 11 هيكون للأسرة وترفيه تشوف الفيسبوك تليفزيون تكلم اصحابك الساعة 11 بالدقيقة تكون على السرير وايدك مادة السرير بتحفظ نصوص شعر ادب اي حاجة
لحد ما تروح في النوم
تصحي الفجر تبص على اللى انت حفظته بسرعة وتقوم تصلي و... و .... هكذا كل يوم
كده رتبنا اليوم بتاعنا
في اي فترة تشعر بالإرهاق والرغبة في النوم لا تنام وغير مكان المذاكرة أو طريقة المذاكرة أو مادة المذاكرة ولو مرهق جدا ممكن تغمض عنيك 10 دقائق وانت متكئ على الكرسي وتتنفس بشكل جيد ثم تنهض للمذاكرة
افضل وقت مذاكرة من 4 ص حتى 8 ص ومن 4 -عصرا حتى 8 مساء درجة التركيز بتكون اعلي ما يمكن
لوشعرت بالتعب ممكن تاخد 10 دقائق للإسترخاء بأن تغمض عينيك وتتكئ على كرسي للخلف وتنظر للظلام وانت مغمض عنيك ولا تشغل عقلك بالتفكير في اي شئ وبعدها قوم مارس رياضة اغسل وشك خد نفس عميق وعاود المذاكرة ولا تستسلم للنوم
• نتكلم عن الكتاب المدرسي
الكتاب هنعمله خريطة اسمها الخريطة الذهنية ... طيب هنعمل خريطة لكل كتاب وهنذاكر بطريقة مختلفة شوية عن المعتاد مثلا ناخد الفصل الأول من الباب الأولهنلقي نظرة سريعة على الفصل كله
ونبدأ باستخدام الأقلام الملونة ناخد الأقسام الرئيسية للفصل ونكتب على كل جزئية فرعية نحولها لسؤال ونكتبة بقلم ملون على الصفحة الأقلام الملونة مهمة جدا بتساعدك على التذكر وتشعرك بالبهجة
وممكن تعمل ربط لكل جزئية بلون معين تفتكرها بيها
بعد ما تحول كل جزئية لسؤال وتكتبه وتمر على الفصل كله بنفس الطريقة لحد ما تخلصه وتجمع كل الأسئلة في ورقة
مثلا تعريف الصوت : يبقي السؤال عرف الصوت ؟ شروط صدي الصوت : يبقي السؤال ما شروط صدى الصوت وهكذا
بعد ما تخلص اقرأ اهداف الفصل كويس اوي وحولها لأسئلة وهتلاقي تشابه كبير بين الأهداف كأسئلة وبين ما كتبتة من اسئلة
ابدأ باول جزئية في الفصل وجاوب على السؤال فيها بعد قراءة السؤال اولا ومحاولة اجابته او تعمل عصف ذهني لمحاولة معرفة اجابتة من قبل القراءة وبعدين طلع فقط الاجابة النموذجية له
مش مطلوب نقرا كل كلمة في الكتاب فقط نجيب على الأسئلة وننتقل من جزئية لأخري ونجيب على ما بها من أسئلة لحد مانخلص الفصل ده الطريقة دي اسمها الطريقة الأفقية في المذاكرة ... هنرجع تاني في يوم تاني نذاكر نفس الفصل بس بطريقة رأسية بحيث نجمع كل التعريفات التي وردت بالفصل - المقارانات – الرسومات بكل فصل ونعمل ربط لكل معلومة بأي شئ يفكرنا بيها .. واقول الفصل ده فيه رسمتين ومقارنة واحدة و5 اسئلة تعليل و4 تعريفات و3 نظريات إلخ وهكذا وبعد ذلك نجيب على اسئلة وتمارين على الفصل ثم نذهب الى الامتحانات السابقة ونستخرج منها ما ورد من اسئلة على هذا الفصل ونحلها
وهكذا مع كل فصل ولازم نراجع ونرتب دخول المعلومات في ذاكرتنا ترتيب جيد وبطريقة منطقية لسهولة استعادتها وقت الحاجة إليها ... حلوا اسئلة كتير ... كتيير ... وحلوا امتحانات كاملة واحسبوا لنفسكم وقت تخلصوا فيه .. عالجوا نقاط الضعف لديكم .. لو فيه رسمه مش قادرين ترسموها صح مرنوا انفسكم عليها مرارا حتى تجيدوها .. مفيش حاجة صعبة ومفيش مستحيل ونقدر نعمل كل حاجة فقط لو أردنا ذلك فبالارادة وحسن التوكل على الله والاخلاص والأخذ بالأسباب ستتحول احلامكم لحقيقة ... اتمنى تكونوا استفدتم شيئا .
بشكركم جدا وتمناتي لكم بالنجاح الباهر ....
تقبلوا تحياتي
avatar
meto
ثلاثه نجوم فضيات 99%
ثلاثه نجوم فضيات 99%

اسم الدولة : : مصرية
العمر : 26
عدد المساهمات : 238
المعجبون بمواضيعى : 20

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى

  • © phpBB | Ahlamontada.com | منتدى مجاني للدعم و المساعدة | إتصل بنا | التبليغ عن محتوى مخالف | انشئ مدونتك الخاصة مجانيا
    الساعة الأن :