شاطر
استعرض الموضوع السابقاذهب الى الأسفلاستعرض الموضوع التالي

مصر مش أم الدنيا !

avatar
النجمة الذهبيه 99%
النجمة الذهبيه 99%
اسم الدولة : : مصر
العمر : 25
عدد المساهمات : 423
المعجبون بمواضيعى : 50
معاينة صفحة البيانات الشخصي للعضو
تمت المشاركة في السبت 26 سبتمبر 2015 - 2:56
مصر مش ام الدنيا
منقوووول



مصر مش أم الدنيا ! مصر مجرد بلد فاشل من العالم التالت كل شهرتها حالياً انها جنب اسرائيل
و ان كان فيها ناس متحضرة بتبني أهرامات من 7000 سنة مش اكتر !
مصر شعبها مش أعظم شعب ولا أذكى شعب ! مصر حسب تقرير الأمم المتحدة من أكبر 10 دول فى العالم بتعاني من الأمية والجهل . نسبة الأمية حسب تقرير التعبئة والإحصاء يصل إلى 17 مليون نسمة (وأكيد ده مش العدد الفعلي) ده غير إن معظم المتعلمين جهلة بشهادات تعليمية صورية !
مصر مافيهاش تعايش, و لا شغل ولا وحدة وطنية, لا المسلم طايق المسيحي و لا المسيحي طايق المسلم و هما الاتنين مش طايقين حد تالت جنبهم (ملحد, يهودي, بهائي..)

مصر مش مهد الحضارة, مصر من ضمن 20 دولة في العالم معتبرين ان العلمانية و العلمنة (وسيلة التحضر) شئ عيب, معتبرين ان واحدة ست تمشي بفانلة حمالات و شورت سبب كافي انها يتم التحرش بيها أو تغتصب أو يحصل لها أسوأ الأمور !

التعليم الإبتدائي في مصر أسوأ نظام تعليمي فى العالم والتعليم الإعدادي و الثانوي زيهم, و التطوير عندنا بينحصر في انك تشيل ستة ابتدائي و ترجع الثانوية سنتين أو العكس مش أكتر,
مفيش جامعة مصرية من أفضل 50 جامعة و لا 100 جامعة, و لا 200 ولا حتي 300 , و الأشخاص الكويسين أكاديمياً اللي فيها مشيوا خلاص لإنهم مُقيدين هنا وكونك تصبح مُبدع فى الظروف دي شئ شبه مستحيل ! عشان كده حتى الكويس اللي لسه موجود مستني أي فرصة لأي دولة عشان ينفد بجلده !
المصريين مش معروفين لا بقوتهم ولا بجبروتهم, مايكل فيليبس و يوسان بولت جابوا ميداليات في الاولمبياد أكتر من كل بطولات المصريين في كل الرياضات, و مفيش رياضة مميزين فيها, و فيه رياضات منعرفهاش أصلا

المصريين لا شعب كريم و لا مضياف! نص السوريين اللي حبوا يلجأوا لمصر مشيوا بسبب التضييق عليهم وإستغلالهم وسوء التعامل معاهم و كل العراقيين قبل كده عانوا نفس المشكلة ! الأفارقة بيتشتموا علناً في الشارع بسبب لون بشرتهم وبيعانوا من العنصرية ! و الآسيويين نظرة الشعب ليهم مجرد قصيرين و تجار شنطة .. و الفلبينيين مجرد خدامين ! و الاوروبيين بيتم التعامل معاهم على أساس إنهم كائنات فضائية وسهل النصب عليهم والتحرش بيهم

معظم المصريين دمهم مش خفيف! ماعدا انا طبعا متفتكرش إن سخرية المصريين من كوارثهم اليومية شئ يدعو للفخر والضحك .. ده إسمه تبلد وبرود ولامبالاة مش كوميديا و انتا مش متفوق في صناعة الكوميديا ولا صناعة السينما عموما, و لا أي صناعة أصلا

المصريين لا حيوية و لا عزم و لا همة معظم المصريين بيعشقوا الكسل "والأنتخه" و معندهمش أي إرادة لتغيير حتى نفسهم وشخصيتهم ! ومعظمهم بيكتفي بتبرير الفشل بمؤامرة يا إما على دينه أو على وطنه !
ولما تحب تنتاقش معاه فى سلبيات الدولة الرد التلقائي بتاعه : "مش عاجباك مصر سيبها وامشى" ! .. كتر خيره الراجل انت لسه هتصدعه !
من الآخر احنا حالياً ولا شئ في مسيرة الحضارة والتقدم اللى بيعيشها العالم و هنفضل طول عمرنا كده لو لحد دلوقتي مش مستوعبين عُمق بحيرة العفن والعشوائية اللى غرقانين فيها !

رد: مصر مش أم الدنيا !

avatar
فريق الادارة

فريق الادارة
اسم الدولة : : اللبنان
العمر : 33
عدد المساهمات : 2153
المعجبون بمواضيعى : 62
معاينة صفحة البيانات الشخصي للعضو
تمت المشاركة في السبت 26 سبتمبر 2015 - 18:29
كل الدول بس مصر

رد: مصر مش أم الدنيا !

avatar
الادارة العليا

الادارة العليا
اسم الدولة : : مصـــر
العمر : 23
عدد المساهمات : 2258
المعجبون بمواضيعى : 120
معاينة صفحة البيانات الشخصي للعضو
تمت المشاركة في السبت 26 سبتمبر 2015 - 20:21
مصر دولة مكتوب عليها الفقر
حتى القرآن الكريم قال "اهبطوا مصر فإن لكم ما سألتم وضربت عليهم الذلة والمسكنة"

رد: مصر مش أم الدنيا !

avatar
ثلاثه نجوم ذهبية
ثلاثه نجوم ذهبية
اسم الدولة : : مصر
العمر : 25
عدد المساهمات : 661
المعجبون بمواضيعى : 138
معاينة صفحة البيانات الشخصي للعضو
تمت المشاركة في الأحد 27 سبتمبر 2015 - 17:04
@اسلام كتب:مصر دولة مكتوب عليها الفقر
حتى القرآن الكريم قال "اهبطوا مصر فإن لكم ما سألتم وضربت عليهم الذلة والمسكنة"
والله يا اخى كلامك صح

رد: مصر مش أم الدنيا !

avatar
ثلاثة نجوم ذهبية 50%
ثلاثة نجوم ذهبية 50%
اسم الدولة : : مصر
العمر : 30
عدد المساهمات : 765
المعجبون بمواضيعى : 68
معاينة صفحة البيانات الشخصي للعضو
تمت المشاركة في الإثنين 28 سبتمبر 2015 - 1:27
تسلم ايديك سناء
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى
close
Top