بص ياسيدي هقولك حاجه
بطل تحلم كده بسذاجه


https://i.servimg.com/u/f18/18/97/04/56/19267910.jpg
وبلاش ترسم دنيا جميله
وتلونها لمده طويله
أخرك ساعه ولا إتنين
هيتوه حلمك وسط سنين
منتاش عارف رايح فين
أو هتجيلك ضربه منين
طاخ طاخ طيخ بوم تراك
ده الواقع من غير ولا شك
فبلاش تعمل ليها بلوك
فتح مخك يلا وفك
ساير الموجه وإمشي عليها
لو عليت إنت توطيها
لو قلت إركب معاليها
وإن مالت ميل عديها

قلمى حمامالصبورى
خليك كده على طول الخط
متشلش في نفسك وتحط
وبلاش تعمل شهم وخط
قد ما تقدر خدلك بونط
ومتعملش فيها مناضل
ثورجي ده اللي كمان كان فاضل
هيسموك مجنون مش عاقل
متمرد على واقع عادل
دي نصيحه وإقبلها ياعم
هيشيب شعرك كده من الغم
إلعن فيها براحتك ذم
حال الدنيا كرب وهم