‫#‏معلومه_بعد_الظهر‬
اخطاء بيقع فيها مصورين الافراح:
1) قلة الخبره، علشان كده فى بدايه شغلك لازم محتاج تتعلم وتشوف طريقه الشغل بتبقى عامله ازاى، فهتحتاج تبقى مصور تانى او مساعد للمصور الاساسى فى الفرح دا هيخليك تتعلم كتير وتشوف اخطاء كتير ممكن تقع فيها قدام وتتجنبها...
2) عدم وجود مصور تانى او مساعد ودا ليه اهميه كبيره انه بيساعد المصور فى توجيه الناس وقت التصوير و بيبقى مساعد فى توجيه اى الاضاءه للموضوع زى الفلاشات ...
3) المصور مش بيعمل قائمه بالصور اللى هيصورها و اهم اللقطات اللى مفروض ياخدها ...
4) انه بيبقي مش مستعد و لا مجهز المعدات اللى هيحتاجها فى التصوير، لازم المصور يبقى عارف ايه طبيعه المكان وايه المعدات اللى هيحتاجها...
5) أستخدام كاميرا واحده في التصوير، و دا لأنك هتحتاج نوعين من العدسات، لتصوير البورتريه و الثانيه تصور بيها مجموعات، علشان متضيعش لقطات مهمه و انت بتغير العدسه، علشان كده استخدم كاميرتين...
6) المصور مبيهتمش بالتفاصيل فى تصويره للفرح، فى تفاصيل كتير فى الفرح مهم ان المصور ياخدها زى تصوير الدبله و البوكيه، كمان مهم انه يصور كل القرايب و الناس المهمه فى الفرح...
7) انه مش بيصور كفايه، اى صوره مهمه لازم تاخد منها كذا لقطه لحد ماتتأكد ان مفيهاش اى اهتزاز و تتأكده من الفوكس و التعريض مضبوط ...

‫#‏انواع_تصوير‬
‫#‏اتعلم_تصوير‬
‫#‏بيت_المصورين‬
‪#‎i_learn‬#cpc