حان وقت الصلاة على النبي
قم بالاعجاب لصفحة موقع صن سيت على الفيسبوك ليصلك كل جديد ...
اشخاص فى صن سيت
مشاهدة المزيد
المتواجدون الآن ؟
ككل هناك 42 عُضو متصل حالياً :: 1 أعضاء, 0 عُضو مُختفي و 41 زائر :: 2 عناكب الفهرسة في محركات البحث

راجية الشهادة

أكبر عدد للأعضاء المتواجدين في هذا المنتدى في نفس الوقت كان 1792 بتاريخ الأحد 29 يناير 2017 - 11:31
ألــــوان الرتــــب
الإدارة العليا
المدير العام
رئيس المشرفين
مشــــرف
عضــــو
اعلان ممول

قصة حقيقية حدثت فى مصر

استعرض الموضوع السابق استعرض الموضوع التالي اذهب الى الأسفل

قصة حقيقية حدثت فى مصر

مُساهمة من طرف بنت من شبرا في الجمعة 20 مارس 2015 - 15:46



يوم السبت بعد العصر على النيل فى المنصورة .. قاعد انا وخطيبتى بنتكلم عن الجواز وليه التعقيدات وليه لازم نستنى لحد ما نجيب شبكه وشقه و..و….
قلنا احنا فعلياً محتاجين ايه عشان نتجوز ؟
اوضة نوم لينا وانتريه للضيوف وتلاجه غساله بوتاجاز ع كام حله وكام معلقه ع كام شوكه
يومها مشيت من معاها بعد المغرب
واحنا مقررين نتجوز الخميس الجاى ‏‎smile‎‏ رمز تعبيري
يومها رجعت بعد العشاء قاعد مع اصحابى بسالهم عن شقه اتجوز فيها
ردود الافعال كانت .. هات ياد ال 100 جنيه اللى عليك .. هو انت لاقى تاكل وحاجات كتير من دى
واحد صاحبنا من بعيد كان ف القعده دى قالى انت بتتكلم بجد ؟ عندى ليك شقة؟
انا اصلا بشتغل دكتور وكنت وقتها فى اول سنة الامتياز وبلدنا فلاحين تبع المنصورة اسعار ايجار الشقق عندنا لا يتعدى ال400-500 جنيه
قالى ف شقه ممتازة انت اول ساكن ليها دور اول علوى ب 350 جنيه
شفت الشقه وقلت هاخدها حتى لو مش هتجوز
صورتها ع الموبايل ورحت لحمايا أبو خطيبتى
اتكلمت معاه
ف احنا عاوزين نبدا حياتنا مع بعض حواز بسيط
وهو متدين ما شاء الله فدا ساعدنى انى اقنعه بسرعه
ان جائكم من ترضون دينه وخلقه فجوزوه … واقلهن مهرا اكثرهن بركه
المهم الحمد لله وافق
واتفق معايا يبدأ يجيب الحاجات بتاعت المطبخ
رحت لابويا اتكلم معاه
مكانش مقتنع ولما قلت له انك هتدفع 10 الاف جنيه بس وافق ‏‎smile‎‏ رمز تعبيري
المهم
الشبكه ….مفيش شبكه كتبنا فى القايمه ان الشبكه عشر الاف جنيه ومجبناهاش
المهر …. مفيش مهر هو الربع جنيه اللى المأذون بيقول عليه
المؤخر….مكتبناش فى العقد مؤخر عشان الماذون بياخد اتاوه ع الموخر عن كل الف جنيه 100 جنيه .. فكتبنا المؤخر فى القايمه1
اللى اشتريناه بقى
- العفش كله من دمياط
من الورش اللى ف السنانيه مش م المعارض
6500 جنيه اوضة نوم
2000 جنية انتريه
900 جنيه ترابيزة سفره
مفيش نيش
مفيش اوضة اطفال
مفيش صالون
هو دا وبس
والعروسه اشتروا
تلاجه .. غساله.. بوتاجاز..تليفزيون وريسيفر…كام حله ع كام معلقه ع كام شوكه
كل اللى انا جبته واللى هى جابته لم يتعدى ال 20 الف جنيه
الترتيب بقى
الاحد شفت الشقه وكلمة ابوها وابويا
الاثنيين شفنا العفش والخشب
الثلاثاء تنضييف الشقه واشتريت سخان ب 400 جنيه
الاربعاء نقلت العفش الشقة
الخميس اشتريت هدوم ليا ترنجين وكام فنله ع كام بوكسر
الجمعه نقلوا العفش بتاعهم
الاحد كتبنا الكتاب
من يوم الاحد ليوم الخميس والشقة كامله وفيها كل حاجه
واتجوزنا الخميس ‏‎smile‎‏ رمز تعبيري
الكوافير والفستان والتصوير …. هدية من واحد صاحبى اخد الف جنية للكوافيره والباقى هدية
يوم الحنه عملت زى اللمبى
جمعت النقوط
وسددت باقى فلوس عليا لبتاع العفش
الفرح كان فى المسجد
ومعملناش اكل لحد
كل اللى كانوا موجودين اصحابى يدوب عصير بست
من السبت كنت مخطط اتجوز الخميس
اتجوزت الخميس اللى بعده
كنت حاسس ان موضوع جوازى مشروع قومى الناس كلها بتشارك
اللى راح اشترى لى جزمه كان واحد صاحبى واللى جاب السخان وركبه واحد تانى
واللى نقلوا العفش اصحاب ابويا
واللى ركب الانوار ف الفرح ابن عمى
….
كل دا نقوط ‏‎smile‎‏ رمز تعبيري
ادركت تماماً معنى حديث رسول الله ” ثلاث كان حقاً على الله عونهم …. ومنهم الناكح يريد العفه”

المصدر | تجربة
avatar
بنت من شبرا
ثلاثه نجوم فضيات 50%
ثلاثه نجوم فضيات 50%

اسم الدولة : : مصر
العمر : 24
عدد المساهمات : 192
المعجبون بمواضيعى : 0

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى

  • © phpBB | انشاء منتدى | منتدى مجاني للدعم و المساعدة | إتصل بنا | التبليغ عن محتوى مخالف | انشئ مدونتك الخاصة
    الساعة الأن :