ازيكم يا اروع فتيات موقع صن سيت
خط
هنحكي النهارده ازاي تلاعبي طفلك
العبي مع طفلك - العضوة نستله الأساسي هي صاحبة المشاركة

كل ماولادنا بيكبروا قدام عنينا كل ماالفرحة بتزيد في قلوبنا. طفلك في مرحلة نمو مهمة, ومفيش أهم من أمه تساعده في مرحلة جميلة زي دي. النهارده هنقدملك أفكار سهلة وبسيطة تقضي بيها وقت ثمين مع طفلك.
• عمرك جربتي ترقصي مع طفلك؟ احضنيه قريب منك وارقصي معاه على موسيقى بيحبها.
• كلنا كبرنا على لعبة "دي اسمها إيه؟" شاوري على اجزاء في جسمه وكرري له اسمها ومع مرور الوقت هتلاقيه بيكررها معاكي.
• حاولي تكرري قدامه اسم أفراد العيلة وخليها في شكل أغنية علشان يحبها أكثر.
• لعبة الأستغماية بصورة مبسطة هتكون مسلية جدا ليكي ولطفلك, جربي تقفي جنب طفلك وتتحركي حواليه علشان تديله فرصة يلاقيكي كل مرة في مكان جديد.
• العبي معاه بشخشيخه أو الالعاب اللي بتصدر اصوات وحاولوا تقليدها.
• حركي لعبة امام وجه طفلك وخليه يحاول يمسكها.
اللعب مع طفلك هيساعدك تتواصلي معاه و هيقوي من الرابط مابينكم, وأحلى حاجة إنك مش بس بتلعبي مع طفلك, إنتي كمان بتساعديه ينمي ويطور من قدرته البدنية وذكاؤه. حبك وحنانك أهم حاجة تقدري تقدميها لطفلك علشان يكبر بـصحة وسعادة. جربي الافكار البسيطة ده وشاركينا رأيك لو عجبتك وكمان لو عندك أفكار تانية.