شرح بسيط للصلاه .. راجع معايا وصحح صلاتك ❤

الفجر : ركعتين :
كل ركعة فيها الفاتحه + سورة قصيرة أو طويله

الضهر : 4 ركعات :
اول ركعتين الفاتحه + سوره قصيره أو طويله
و تاني ركعتين الفاتحه بس .

العصر : 4 ركعات :
اول ركعتين الفاتحه + سوره قصيره أو طويله
و تاني ركعتين الفاتحه بس

المغرب : 3 ركعات :
اول ركعتين الفاتحه + سوره قصيره أو طويله
و تالت ركعة الفاتحه بس

العشا : 4 ركعات :
اول ركعتين الفاتحه + سوره قصيره أو طويله
و تاني ركعتين الفاتحه بس
..

مثال على صلاة الفجر : ركعتين

' ملحوظه مهمه ' الركعة الأولى ف صلاه الفجر
( وكل صلاة ) .

قبل ما تبدأ صلاه

- استقبل القبلة
- انوى بقلبك الصلاه التي تريد أن تصليها دون أن تنطق
النيه
- قول ' الله أكبر '
بعدين ايدك اليمين على الشمال فوق صدرك

- و بعدين دعاء الاستفتاح ( يقال ف الركعة الأولي فقط ) .

' اللهم باعد بيني وبين خطاياي كما باعدت بين المشرق
والمغرب ، اللهم نقني من خطاياي كما يُنقى الثوب الأبيض
من الدنس ، اللهم اغسلني من خطاياي بالماء والثلج والبرد ' .
- وبعدين تقول أعوذ بالله من الشيطان الرجيم .
و تبسمل ' بسم الله الرحمن الرحيم '
و تقرأ الفاتحه وبعدين السوره الي هتقرأها
- وبعد ما تخلص تقول ' الله أكبر ' عند الركوع
وتقول ' سبحان ربي العظيم ' 3 مرات

- وبعدين ترفع من الركوع وتقول ' سمع الله لمن حمده '
وبعدين تقول : ' ربنا ولك الحمد '
- ولو كنت في صلاه جماعه ورا الإمام قول بس
' ربنا ولك الحمد ' .

- و تقول ' الله أكبر ' عند السجود وتسجد على اعضاءك
السبعة '
- الأنف والجبهه ، والكفين ، والركبتين ، وأطراف القدمين .
ملحوظة : ( كفين ايدك هما بس ال ع الأرض مش دراعك
كله )
وتقول ' سبحان ربي الأعلى ' 3 مرات
وتدعي بكل ال نفسك فيه من أمور الدنيا و الأخره .

وبعدين تقول ' الله أكبر ' و قول بين السجدتين '
' رب اغفر لي وارحمني وعافني واهدني وارزقني '
أو وقول ' رب أغفرلي رب اغفر لي '

وبعدين تقول ' الله أكبر ' تسجد السجده التانيه .
وتقول الله أكبر وتقوم الركعة الثانية
( و الركعة التانيه نفس الركعة الأولى ) .

وبعدين تقول التشهد ولازم ( تحفظه )
زى ما هو كدا بالظبط

' التحيات لله والصلوات والطيبات ، السلام عليك أيها
النبي ورحمة الله وبركاته ، السلام علينا وعلى عباد الله
الصالحين ، أشهد أن لا إله إلا الله وأشهد أن محمداً عبده
ورسوله ، اللهم صلِّ على محمد وعلى آل محمد كما صليت على إبراهيم وعلى آل إبراهيم ، وبارك على محمد وعلى آل محمد كما باركت على إبراهيم وعلى آل إبراهيم إنك حميد مجيد ' .

- وتقول : أعوذ بالله من عذاب جهنم ، ومن عذاب القبر، ومن فتنة المحيا والممات، ومن فتنة المسيح الدجال '

وبعدين تسلم على اليمين تقول السلام عليكم ورحمة الله
وبعدين شمال برده تقول السلام عليكم ورحمة الله .

انتهت صلاة الفجر .
بأكدت تاني الركعه الأولى في صلاه الفجر
هى نفس الركعة في كل صلاة .
..

طيب لو كنت بتصلي اكتر من ركعتين
4 ركعات أو 3 مثلا

هتصلي ركعتين بس وتقعد وتقول نصف التشهد ( بس ) .

' التحيات لله والصلوات والطيبات، السلام عليك أيها
النبي ورحمة الله وبركاته ، السلام علينا وعلى عباد الله
الصالحين ، أشهد أن لا إله إلا الله وأشهد أن محمداً عبده
ورسوله .

وبعدين تقول ' الله أكبر ' وتكمل صلاتك وفى الاخر خالص
تقول ( التشهد كامل ) وتسلم .
..
انتهت الصلاه - الحمد لله ❤ ✋
#ملحوظة مهمه عن الخشوع بنلاحظ ناس كتير عيونها علي الناس وباصه جنبها وفوقها وقدامها... غلط ده كله الصح انك بتنظر موضع السجود صفي ذهنك وركز في الايات وياريت كل يوم تحفظلك ايه قرائيه تقراها في كل صلاه علشان تبقي مركز ومش تسرح وانت بتصلي عكس انك تقول سور القران الصغيره وانت حافظها ..✋❤ وشكرا

البوست ده لان الصلاه اللي بلاحظها الايام دي ناس كتير بتغلط وهيا بتصلي وكده ودي اهم شي الصلاه في حياتنا ولو كلنا صلحنا ... كل حاجه هتتصلح باذن الله بس اغلب الناس بتصلي كده وخلاص... وباخطاء وناس كبيره في السن وصغيره... من اهم البوستات عندي وبالنسبالي لان الصلاه اهم قضيه كمسلمين..
ياريت كل واحد يعمل منشن لصاحبه... 👬
دي حسنات ببلاش يمكن تكون سبب في هدايه حد 💙✋
ساعد متكسلش..💪