الناس اللي اتوجعت أوي بسبب الحب ...
الناس اللي عشقت .. أخلصت .. حاولت ..
اللي حتي كان نيتها خير وفشلت ...
الناس اللي اتسابت أو اتخانت أو سابت علشان خوف من الغلط ...
الناس اللي قلبها وجعها وعايشة الصراع جوا دايرة مقفولة مش عارفة تخرج منها ..
سهل أوي تكسروا جدران الأزمة والوجع ...
جربوا ... وأظن معندكوش أكتر من اللي خسرتوه قبل كدا ....

1- أمسح كل حاجة .. رسايل .. فيدوهات ... أي هدايا قديمة أتخلص منها .. الصور ..
2- الغوا الصداقة وبلوكات ... اعتبروهم أغراب .. كأنه كان حلم وانتهي ..
3- في حاجات معينة مش بتتنسي زي اول لمسة .. القرب من ربنا بصدق هيخليك تنساها وافتكر انك كنت صادق .. عملت حاجة بس النصيب ..
4- بلاش تحكي لحد .. وبلاش تدور علي غريب يسمع حكايتك علشان هيحس قد ايه انك كنت مخلص علي حسب كلامك فيتمني يكون معاك .. احساس بيتولد غلط وهيدخلك في مشكلة أكبر .. بلاش منه ..
5- لو اتخنقت اوي اكتب قصتك في مذكرة واقراها كأنك طرف برا القصة واحكم انت عليها .. صدقني هترتاح ..
6- أكبر غلطة انك تدعي عليه ... لانك بتزود الغل والحقد جواك وبالتالي النسيان هيكون مستحيل وممكن يجيب نتيجة عكسية اوي ويخلق جواك احساس بالحنين وتفضل تكابر وتعند مع نفسك ...
7- بلاش استسلام الحبسة جوا الأوضة .. متنساش ان الموضوع نصيب .. رزق مش مكتوبلك .. لو كان ربنا كاتبلك فيه خير كان كمل .. وعلشان هو اكيد شر ربنا بعده عنك ..
8- ضحكتك الجميلة وطموحاتك ونشاطك مكنوش مخلوقين علشان الشخص ده ... انت بتجح علشان نفسك .. بتضحك لنفسك .. طموحك انت الوحيد اللي هتستفاد منه ..
9- لو سمعت اسمه صدفه قول ربنا يهديه .. مهما كان عمل ... متنساش ان اللي عالم بالقلوب ونواياها هو الله وحده ..
10 - بص لنفسك .. تصدق انك لسه عايش اهو .. لسه نعم ربنا معاك .. سمعك وبصرك وعقلك وروحك .. بلاش وهم بيكسر فيك وبيسرق من عمرك ....

عاوز تنتقم يا سيدي أنجح ... اشد انتقام هو النجاح .. علشان حتي لو بيراقبوك من بعيد يعرفوا انك كنت فعلا انسان كويس يستاهل كل خير .. لكن اي فكرة انتقام تانية هتعود عليك انت بحزن اكبر...

وافتكر .. لما تعافر وتعمل الخير بقلب صافي .. لما تقوم وتفر طهرك وتضحك للدنيا غصب عنها .. أكيد ربنا هيجبر بخاطرك ويعوضك كل خير ...

وبقولها تاني جرب ...
هتخسر ايه ....
مش بتقول انك دلوقتي مجرد جسد من غير روح وبيعد ايامه ... اهي تجربة يا سيدي ..
ومن قلبي أنا .. بتمنالك كل خير ...
*