بوست طويل شوية بس ان شاء الله يكون سبب في هدايتك

في فرق بين انك تكون بعيد خالص عن ربنا مجمل حياتك بعيد عن ربنا. في اهل مش راضيين عنك.في مثلا مخدرات في الحياة في علاقات مش منضبطة بالجنس الاخر واللتي هيا ولعياذ بالله في مجموعةبتؤدي للكبائر.
انتا بتقول نفسي اتوب بس مش قادر.
في هنا حاجتين
_حاجه فكرية. _وحاجه عملية
الحاجه الفكرية هنا زي فكرة مثلا عاوز اتوب بس مش قادر دي فكرة ولازم تتحارب بفكرة.

شباب كتير مننا مش متصور حياته من غير اشياء معينة مثلا في بعض الناس مش متخيلة حياتها من غير رياضه. وفي بعض مبيتصورش حياته من غير اصدقاء بعض الناس مبتتصورش حياتها من غير تليفزيون من غير نادي من غير نت وهكذا .

بعضنا الشيطان بيقنعوا انو لا يتصور الحياة من غير بنت في حياتو من غير المخدرات في حياتو من غير الحشيش علشان يقدر يركز. من.ترامادول. علشان يفضل سهران من غير مثلا الكذب علشان يعرف يطلع نفسو من المشاكل.
ف لو اقتنعت انو مش هينفع اعيش حياتي من غير الذنب ساعتها التوبة بتبقي صعبة لان الفكرة مش موجودة فكرة ان انا ابقي اقوي

فلازم الاول تقنع نفسك ان كل شئ حرام تقدر تعيش من غيرو
في نوع من التضاد والتناقض. في الدين والدين مش متناقض.

يعني ايه تناقض يعني كل حاجه حلال في الدين مفيدة وكل حاجه حرام. مضرة ربنا حرمها لانو بيحبنا ومش عاوزلنا الاذية.
فخليك واثق ان اي شئ حرام تعرف تعيش من غيرو بس حاول توجد البديل اللي تشغل وقتك وقلبك بيه عن الشئ الحرام ده.
الخطوة الثانيه
وهيا خطوة عملية شوية
الجدية.
انا قبلت في حياتي ناس مش جدية ناس مش جد مفيش جدية في اتخاذ القرارات عارف مثلا لما يكون واحد عندو مشاكل كبيرة في حياتو بس مش جد يعني

حد كل يوم يتخانق مع مراتو ونفسه يبقي كويس ويصالحها وبعدين يقعدو مع بعض ويتصالحو كده شوية او حد يصلح ما بينهم بس هو مش جد مش عاوز يقيم بيته ويحافظ عليه هو لعبي هو مش بتاع تحمل مسؤلية او هيا مش بتاعت تحمل مسؤلية مش جدة في حياتها.

واحدة عاوزة تشتغل وتنجح في حياتها بس مش عاوزة تصحي بدري مش جدة يعني.

الفكرة موجودة بس العزم والاحتراق مش موجود.

بيقولك وراء كل قصة ناجحة قلبآ يحترق.

الاحتراق علي الاهداف او الافكار او الاحلام. ده اللي بيطلع انسان مؤثر انسان بيعرف ياخد خطوات يبني عليها فكره
الجدية مهمة جدا والله ياجماعة خليك جاد

اقفل الابواب اللي بتوقعك في الغلط. تصور الحياة انك ينفع تعيش من غير غلطات خد خطوة وابتدي صلاة ادعي كتير لربنا انو يثبتك صدقني هيجي عليك وقت ومش هتبقي متصور حياتك من غير صلاة. وعن تجربة.

ايه بقي التمن اللي بيدفعه هاجر الصلاة.

(۞ إِنَّ الْإِنسَانَ خُلِقَ هَلُوعًا (19) إِذَا مَسَّهُ الشَّرُّ جَزُوعًا (20) وَإِذَا مَسَّهُ الْخَيْرُ مَنُوعًا (21) إِلَّا الْمُصَلِّينَ(22) الَّذِينَ هُمْ عَلَىٰ صَلَاتِهِمْ دَائِمُونَ)

(ان الانسان خلق هلوعا) ربنا اللي خلقنا بيقول ان جوانا هلع.

(اذا مسه الشر جزوعا) اول مسيمع خبر سلبي بيحصل عنده تضاعف في الافكار. الخبر السلبي ده سواء كان ففد مال او شئ معين تهديد مثلا من حد اقوي منه.

طيب انا عاوز اسكن وابقي في حالة سكينة واعرف ان في ضهري عون ربنا محتاج توصل الروح.

ا(ذا مسه الشر جزوعا)
تب و(اذا مسه الخير منوعا) الانسان بيصاب بداء الحرص لما ربنا يوسع عليه بيخاف لاحسن النعيم اللي جاله ده يروح منه ف اللي معاه 100 مثلا بيخاف يروح منو الصفر وتبقي 10 واللي معاه الف خايف يتكسر ويبقي 900 واللي معاه مليون خايف علي الست اصفار.
علشان كده هتشوف من الانسان جشع وتناقض غير شريف في كتير من الاوقات علي حطام الدنيا اللي الانسان لما بيتناقض عليه مبيبقاش سعيد. التناقض الغير شريف اللي مفيهوش سكون ولا طمأنينة بأن الرزاق سبحانه وتعالي واجد موجود.

فربنا بيقول عاوز تجيلك النعمة فتسكن وتطمن وعاوز لما يجيلك الشر تبقي مطمن ومتقلقش ان ربنا معاك وهيحميك من اي حاجه
عاوز تسكن ؟= خليك مصلي
(الا المصلين الذين هم علي صلاتهم دائمون) بمعني الذين هم علي وصال ارواحهم بالرحمان دائمون.

الامام الحسن البصري.
(كان دايما يحذر اصحابه. يقول يا ابن آدم ماذا يعز عليك من دينك ان انت تهاونت في صلاتك )

كان سيدنا عمر ابن الخطاب رضي الله عنه.
يبعث للولاة يقول استقميوا علي الصلاة ولا يشغلنكم امر الدنيا عن القيام بين يدي الله فأن من ضيع صلاته فأنه لشعائر الله الاخري في ايته اضيع)

ربنا في رسالته لهاجر الصلاة.
في سورة المعارج كأن ربنا بيقول لو عاوز تبعد عن القلق اللي هو من أحد وأشهر الامراض المنتشرة في العالم. وعاوز تبقي ساكن مطمئن. تبقي شايف الدنيا من حواليك طالعة نازلة كده وانتا في هدوء كده مع الله ؟ (واظب علي الصلاة)
(الا المصلين الذين هم علي صلاتهم دائمون)

(ربي اجعلني مقيم الصلاة ومن ذريتي ربنا وتقبل دعاء )

نسأل الله ان يجعلنا من مقيمي الصلاة. ومن ذريتنا. ويتقبل منا ومنكم الدعاء

*بيااع فرحه لقلبك*

قولى بالله عليك احساسك من جوة اي ..