❤❤ولا يظلم ربك أحدا ❤❤
صدق الله العظيم
كل أنسان في الدنيا دي بياخد نصيبه من الدنيا في كل حاجه مفيش حد احسن من حد بس كل واحد فينا بياخد نصيبه بشكل مختلف عن التاني وللأسف دايما بنشوف في نفسنا نص الكوبايه الفاضي بس
ولما نيجي نشوف كوبايه الناس عنينا مش بتيجي غير علي النص المليان فبنشوف كل الناس احسن مننا وعايشة حياة أفضل لكن لو فكرنا للحظة بس ونشوف النص المليان ف الكوبايه بتاعتنا
وعينك قدرت تشوف النص الفاضي عند الناس هتحمد ربنا علي كل حاجه في حياتك بحلوها ومرها خليك واثق دايما ان كلنا متساويين
ومفيش حد احسن من حد عند ربنا واكتر ناس بتعاني في حياتها دي اكتر ناس ربنا بيحبها عشان ابتلأها كان في الدنيا مش في الأخرة ولو ربنا مفرحهاش في الدنيا يبقي هيفرحها في الاخرة
الدنيا دي دايرة فيها نقطة
كلنا بنلف نفس الدايرة وبنموت لما بنوصل لنقطة الموت كلنا واحد عند ربنا والي بيميزنا عن بعض اعمالنا واحنا بنلف جوه الدايرة دي
وقبلنا ربنا بأيه عند النقطة دي متخليش الدايرة تدوخك وتوه جواها وتنسي ان اخرها نقطة مهما عملت هتوصل للنقطة دي لف الدايرة وانت راضي عن نفسك وربنا راضي عنك
عشان تبقي مبسوط لما توصل لنقطة النهاية