🌸🍥✅ لك اختاااه ✅🍥🌸

⛔ مسأله خطيرة.. احذروها ⛔

✅ طَب بصوا واحدة واحدة كدا و بالراحة ..
تعالوا نفهم خطورة أن البنت تلبس ضيق و غير محتشم سواء بِـ طرحة أو لأ .. مسألة مصير فا نركز في الكلام ..

🔅1) لما البنت تلبس كدا ممكن تتشيل مِن ذنوب أبوها و جوزها اللي سابوها تنزل كدا .
. و هما كمان شايلين ذنوبها عشان جابوا اللبس دا .. و الأم معاهم ..

🔅2) بتشيل ذنوب الرجالة اللي اتفرجوا عليها و لأنها لو لابسة كويس محدش هيشوف حاجة لكن هي جابت لهم المعصية لحد عندهم ..

🔅3) بتشيل ذنوب اللي فكروا فيها بطريقة وحشة .. و اللي دخلوا يتفرجوا ع النت و عملوا ذنوب زيادة بسببها لأنها كانت الشرارة ..

🔅4) و اللي كان بيحاول يتوب من المواقع و البنات بس شاف البنت دي فا وقع تاني و تالت و عاشر ..
و اللي كان كويس بس انحرف بسببها ..

🔅5) و اللي شافها فا راح يزني أو يدوَّر على أي بنت يصاحبها و يعمل معاها تجاوزات ..
حتى التجاوزات دي في ميزانها لأنها سبب ..

🔅6) و العيل الصغير اللي شافها فا بدأ يعرف عورات النساء و يتفرج و يصاحب و يتحرش ..
و لما يكبر هينحرف .. في ميزانها كل دا ..

🔅7) و الشاب المحترم اللي عايز يتجوز و يعف نفسه فا بيشوفها و يفتكر أنه عاجز وسط الفتن ..
فا يتخنق و يكتئب .. في ميزانها ..

🔅8) و اللي مش عارف يركز في شغله أو دراسته لأن في حاجة ناقصاه و كل يوم بيشوف ألف واحدة يفكروه بالاحتياج دا .. في ميزانها ..

🔅9) و اللي متجوز واحدة أنوثتها مش عالية .. أو عالية بس شاف اللي أعلى منها ..
فا يرجع البيت مخنوق و شايف مراته قليلة وسطهم ..

🔅10) علاقتهم هتبقى أسوأ .. هيبدأ يتقفل منها .. و يتفرج على حاجات حرام و يغلط و يبص برة و ممكن البيت يتهد .. بسببك ..

🔅11) دا غير الراجل الكبير المحترم اللي شافك فا رجع البيت لقى مراته مليانة شوية مش زيك ..
فا غلط أو اتقفل منها أو خانها .. بسببك ..

🔅12) و الشاب اللي اتفتن بيكي و جاب الاكونت بتاعك و سرح بخياله مع صورك و عملتيله قلبان فِـ دماغه .. فا حاول يكلمك ..

🔅13) و البنات اللي شافوها فا عجبهم الـستيل و قلدوها .. و منهم بنات لبسهم كان محتشم و باظ بسببها .. و ذنوبهم بقت في ميزانها ..

🔅14) البنات اللي دخلوا في اكتئاب عشان معندهومش الأنوثة اللي عندها .. و اللي غاروا منها فا لبسوا زيها عشان يثبتوا أنوثتهم ..

🔅15) و اللي غاروا فا راحوا شفطوا و نفخوا و لبسوا حاجات بتظهر المفاتن أكتر زي الـ Push Up و الجو دا .. عداد ذنوب شغال أهو ..

🔅16) بتشيل ذنوب الجَهر بالمعصية لأن الحجاب فرض و النبي قال : « كل أمتى معافَىٰ إلا المُجاهِرون » .. كدا بتضيع نفسها ع الفاضي ..

🔅17) بتساعد في انتشار الغلط فا الناس تتعود عليه أكتر و كدا يتحول من « حرام » لـ « عادي » ..
و دي مصيبة .. بتهدم المجتمع أكتر ..

🔅18) تبقى عند ربنا مِن « المفسدين في الأرض » .. و دي عقوبتها عظيمة جدا .. لأن كل اللي هي بتعمله دا إفساد و ضرر للناس و المجتمع ..

🔅19) دا غير حديث النبي لما قال أن النساء الكاسيات العاريات مش هيدخلوا الجنة و لا هيشموا ريحتها .. للدرجة دي بايعة الجنة ؟ ..

🔅20) ها .. عرفتي اللي بيحصل لما تنزلي من بيتك كدا ؟ .. شايفة كمية الذنوب اللي على ضهرك ؟ .. صلاتك ( دا لو بتصلي ) و صيامك .. هيعملوا إيه قصاد كل دا ؟ ..

🔅21) طَب ليه تشيلي ذنوب الناس معاكي ؟ .. هو احنا قادرين على ذنوبنا لما نشيل ذنوب غيرنا ؟ ..
هيبقى حلو لما تيجي يوم القيامة تتفاجئي بجبال الذنوب دي ؟ .. هتقدري تشيليها ؟ .. ليه كدا ؟ ..

🔅22) ما نبقاش رجالة مسلمين بجد لو مش هنغير على نسائنا ( اللي النبي وصانا بيهم قبل ما يموت )
و ننصحهم لله زي ما النبي أمرنا .. مهو « الدين النصيحة » .. و بالراحة و بهداوة خالص أهو ..

🔅23) اعذريني ما أنا لازم أتكلم و أفتح عينيكي .. طَب خدتي بالك من 16 و 19 .. دول لوحدهم كارثة .. فا ارحمي نفسك يا بنتي لله .. انشروا الكلام دا يا جماعة .. عرفوهم خطورة الموقف ..

✅ نختم بكلام مؤمن آل فرعون ..
▫" فستذكرون ما أقول لكم .. و أُفَوِّضُ أمري إلى الله .. إنَّ الله بصيرٌ بالعباد " .. و ربنا يهدينا كلنا▫

👈✋ الناس بتوع :
دع الخلق للخالق و غض البصر و أنت عرفت الحاجات دي منين و الكلام الفكسان دا كله ..
👇👇👇👇 دي رسالة لهم 👇👇👇👇 ..

😏دع الخَلق للخالق ..
✅_ النبي هو اللي أمرني أنصح الخَلق و دا أمر من الخالِق ..

😏انصح نفسك الأول ..
✅_ ما أنا بنصح نفسي و بنصح الناس برضه .. عادي على فكرة ..

😏غض بصرك أصلا ..
✅_ مين قال أني مش بغض بصري ؟ ..
دا النبي ذات نفسه لو عايش وسطنا .. هياخد باله من الأوڤر اللي احنا فيه ..دي حاجة واضحة يعني ..
و زي ما بتمسكي في غض البصر امسكي في الحجاب برضه .. ولا انتي واخدة الدين بمزاجك ؟! ..

😏عرفت حاجات البنات دي منين ؟ ..
✅_ هو لازم أبقى غشيم و معزول عن الحياة ؟ ..
مش بشر احنا و عايشين وسط الناس و

عارفين اللي بيحصل حوالينا ؟ .. ولَّا لازم أكون من المريخ ؟ ..