بوست اسلامي
المواضيع الأخيرة
» كيف تربي ابنك الصغير
من طرف الحاجه فاطمه أمس في 3:03

» بيان عدد الاسماء والرسل كما ذكروا في القرآن
من طرف انغام أمس في 3:00

» كيف تعرف ان الله يحبك؟
من طرف انغام أمس في 2:59

» انشودة وكلمات عالنور طيور الجنة
من طرف شهد صلاح الأربعاء 14 نوفمبر 2018 - 4:20

» لا يحوز ان تقول الباقي على الله
من طرف داليا الإثنين 12 نوفمبر 2018 - 19:34

» المعصية تنشأ من اسباب عديدة
من طرف داليا الإثنين 12 نوفمبر 2018 - 19:32

» لماذا سمي الجن والأنس بالثقلين
من طرف اسراء الإثنين 12 نوفمبر 2018 - 19:23

» هناك قصة لسيدنا نوح مكذوبة
من طرف اسماء الإثنين 12 نوفمبر 2018 - 19:17

» دعاء اليسر
من طرف اسماء الإثنين 12 نوفمبر 2018 - 19:17

» ياسورة الكهف دوي في منازلنا ، ها قد اتانا جمال اسمه الجمعة
من طرف شهد صلاح الأحد 11 نوفمبر 2018 - 22:16

اخترنا لك
اشخاص فى صن سيت
مشاهدة المزيد
المتواجدون الآن ؟
ككل هناك 16 عُضو متصل حالياً :: 0 عضو مُسجل, 0 عُضو مُختفي و 16 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 1792 بتاريخ الأحد 29 يناير 2017 - 11:31
اختصار سريع
...
مواضيع مماثلة


صلِ على محمد

بوست اسلامي

استعرض الموضوع السابق استعرض الموضوع التالي اذهب الى الأسفل

avatar
ليلى خالد
النجمة الذهبيه 20%
النجمة الذهبيه 20%
اسم الدولة : : السعوديــة
العمر : 24
عدد المساهمات : 313
المعجبون بمواضيعى : 78
معاينة صفحة البيانات الشخصي للعضو http://layla20102010l@yahoo.com

مُساهمةليلى خالد في الخميس 28 ديسمبر 2017 - 22:07

السلام عليكم ورحمة الله وبركاته الحمدلله وكفى وصلاة وسلاما ع عباده الذين اصطفى ثم اما بعد موعدنا الليلة مع اجمل موضوع ممكن نسمع عنه وصدورنا تنشرح ونشتاق إليه الليلة يا جماعة موعدناعن...... عن ايه؟ قبل ماقولك عن ايه*.

*تخيل كده لو انا قولتلك ف مكان اسمه #النادى النادى!آه النادى دا مكان فيه خضره ومطاعم وبحر واماكن للتمشة واصحابك سهرانين فيه لحد الصبح وكمان تروح ف اي وقت يعجبك براحتك يعنى وف بنات رايحين جايين لو كحيت جنب واحدة فيهم تقولك بس لو ماكنتش تحلف........................... اللآه ف مكان كده موجود.. آه موجود.*

*طب أروح المكان ده ازاي؟ إنت تشترك فيه بكذا الف جنيه تروح لوالدك تخليه مينمش الليل عشان يديك الفلوس تشترك فيه. المكان ده إسمه إيه؟ المكان ده اسمه #النادي أنا النهاردة مش جاي أسوق للنادي. أنا جاي أكلمك عن مكان تان.*

*مكان اسمه #الجنة مكان فيه النعم والنعيم مهما تخيلت فيها مش هيقدر عقلك يجيب اللي فيها ....... المكان ده هو #الجنة ياتري ياجماعة النادي أجمل ولا الجنة الجنة اجمل ولا الفنادق 7 نجوم الجنة اجمل ولا ساحات الجامعة الجنة اجمل ولا المنتجعات السياحية اللي واخده الأوائل ع العالم ياتري الجنة فيها إيه؟؟؟؟*

*عايزين نعيش النهاردة مع ساعه شو تايم . فيلم فيديو صوت وصورة نوضح فيه الجنة. عايزين نوضح إيه اللي يستاهل انك تضيع جنة عرضها السموات والارض بمعصية تتعمل ف ربع ساعة*

*إزاي تضيع قاعدة ع نهر الكوثر بقاعدة ع القهوة إيه اللي يستاهل إنك تضيعي نعيم وملك ف الجنة عشان أي معصية أو لأنك مش راضية تلبسي حجاب السيدة فاطمة أو أمنا عائشة إيه اللي يستاهل يا جماعة إيه اللي يستاهل أعظم خساره ف الدنيا أنك تخسر جنة عرضها السموات والأرض إن يكون ف جنة عرضها السموات والأرض وانت ملكش فيها.*

*#شبر أعظم صفقه ف الدنيا هي اللي أنا جاي اعرضها عليكم الليلة. بس خدوا بالكم الجنة مش شوية مية وخضرة . الجنة مش مكان ف لبس وأكل ومسكن جميل لاااااااااااااااااااااااااا انا جاي الليلة عشان تتصلح نظرتنا عن الجنه...... إيه الجنه؟؟؟؟؟؟!!!!!!!!!*

*ياترى هى ايه اسباب السعاده ف الجنه؟ ياترى هى نفسها اسباب السعاده ف النوادى النادى اللى فيه ملاعب وصحبه ايوه هو بس برده ده مش كل حاجه*
*ف مجموعة اسباب ادت انك تكون سعيد ف المكان ده " لا يبغون عنها حولآ" روحت قبل كده منتجع سياحى وقولت انك مش عايز تسيبه اتفرجت ع قناة قبل كده وقولت انك مش عايز تقفل التليفزيون روحت قبل كده مكان او نادى وعجبك وقولت الحمدلله ان الاجازه خلصت عشان اروح النادى*

*يا إخوانا فيه ناس كتير مستنية الصيف بفارغ الصبر عشان تطلع ع مارينا ف ناس مستنية الصيف بفارغ الصبر عشان تروح النادي ف ناس مستنية بفارغ الصبر عشان تعمل كل اللي هي عاوزاه دا كل ده اللي ربنا قال عليه دنيا يعني حقيره يعني دناءة أمال اللي ربنا سماه جنة يبقي ايه؟ وفيه ايه؟؟؟؟*

*اذا كان الحقيره استمتعنا بيها كل الاستمتاع ده وشبابنا وبناتنا بقو "لايبغون عنها حولا" لايبغون ع النوادي والمنتجعات والقنوات اللي بتشدهم حولا أومال الجنة اللي #الملك قال عليها "لايبغون عنها حولا" هتكون إيه؟؟؟؟*

*ياجماعة دا ربنا خلق ف الدنيا 5مليون نوع من الحيوانات مفيش نوع زي التاني لا ف الشكل ولا ف الطعم ولا اللون ولا حتى الحياه ميقدرش #سبحانه يخلق لنا 5مليون نعيم ف الجنة عايزين نتكلم عن شوتايم لوصف الجنة عن المكان اللي مش هتقدر تغمض عنيك فيه. ياللي جبت جيدجدا وزعلان ليه؟؟؟*

*اصل اصحابك جابو امتياز وانت لأ ياللي عندك 50مليار وبتشتغل ليل ونهار عشان يزيدو ولا بتشبع ولا هتشبع ياللي زعلان ع الدنيا ونفسك ف الثراء وتبقي م Top10بتوع البلد ياللي قتلتو نفسكم عشان الدنيا الدنيا متستهلش ... تستاهل!!! تستاهل إيه؟؟؟ تسوي إيه الدنيا بعد ماربنا قال عنها "وما الحيوة الدنيا إلا متاع الغرور"*

💡 *انا جاي اكلمك عن السعاده الحقيقية. سعاده!!!!طب مانا سعيد وانا سعيدة لآاااااااااااااااااااااااا لاوالله أنا عايزك تدور ف القرآن كده م أوله لآخره عن كلمة #السعاده مش هتلاقي غير مره واحده بس دي مع المكان اللي بكلمك عنه النهاردة*
*"وأما الذين سعدوا ففي الجنة" مفيش سعاده غيركده "فلايخرجنكما من الجنة فتشقي" يعني إيه؟؟؟!!! يعني مفيش بره الجنة غير #الشقاااااااااء بس انا سعيد*

*لأ إنت مش سعيد ولا غيره إنت عارف إنت عامل زي إيه؟ زي واحد عايش ف وسط أفريقيا ويقولك شوف يابني جمال النساء نساء إيه يابني!!!! انت مشوفتش نساء انت مشوفتش نعيم انت مشوفتش سعااااااااادة*


ناس كثير بدور على الراحة
الي يقولك امتى اخلص دراسة وارتاح
الي يقولك امتى اجوز وارتاح
الي يقولك امتى اتقاعد وارتاح
مش عارفين ان الراحة في الدنيا جزء بسيط
الي بيدرس مش عارف انه بعد التخرج لازم يشتغل ويتعب ويجوز ويبقى مسؤول عن عيلة
الي يقول امتى اجوز وارتاح مفكر انه هيرتاح بعد الجواز بس هيكتشف قد ايه الجواز مسؤولية وتعب

الي بيشغل بيفكر بالتقاعد هيرتاح بس ابداااااااا
الرااااااااااااااااااااااااحة مش موجودة غير في الجنة
في الجــــــــــــــــــــــــــــنـــــــــــــــــــــــــــــة وبس
المؤمنين تسوقهم الملائكة الى جنة
جنة عرضها السماوات والارض
ريحها
ريحها بس يخرج من مسيرة كذا وكذا
بس ريحتها تتشم من مسيرة سنوااااااااااااات
الجنة 8 ابواب
الوفد الاول فيه الي ربنا كاتبلهم الجنة ويكونوا من الفوج الاول يتقدمهم الانبياء ويتقدمهم سيدنا محمد صل الله عليه وسلم
ييجي لباب من الابواب ياخد واحدة من حلقاتها ويضرب بيها الباب
الله اكبر
يسمعه خازن الجنة رضوان فيقوله مين
يرد عليه حبيبك النبي بكل تواضع "انا محمد"
فيقوله "اُمرت ان لا افتح الباب لاحد قبلك"

تخيل... تخيل لو كنت في الوفد الاول مع الانبياء والرسل
تخيل نفسك وانت تشوف الجنة بتتفتح ابوابها
ازاي هيكون المشهد
الملائكة كل امة تدخل تقولها " سلام عليكم بما صبرتم فنعم عقب الدار"
الجنة ليها 8 ابواب
باب الريان
باب المجاهدين
باب المتصدقين...
في الي بيندهولوا من باب الريان وفي الي من باب المجاهدين وفي الي بيندهوا عليه من اكثر من باب
كل واحد على قد طاعته وعبادته
وايه العبادة الي تفوق فيها
تخيل ياابني
تخيل شعورك والملايكة بتنده عليك فلان من باب كذا
يااااااااااااااااااااااه على ده احساس
دي ارض الجنة
ارضها اتبنت من ذهب الجنة
ترابها ده اغلى من الدنيا ومافيها
تخيل انهار لبن
انهار خمر
انهار عسل
تخيل انك بتشرب من الكوثر او السلسبيل " فيه ما تشتهييه الانفس"
مفيش فيها شمس ولا برد " لا يرون فيها شمسا ولا زمهريرا"
نور الجنة بييجي من سقفها الي هو عرش الرحمن
اي حاجة نفسك فيها هي تجيلك لحد عندك انت بس مرتااااااااح
راحة ابدية
لو في طير معدي اشتهيته هينزل ويتطبخ ويتشوي بالطريقة الي نفسك فيها ويقدمه ليك الولدان المخلدون
اي فاكهة تشتهيها تلاقيها جت لحد عندك
يااااااااااااااااااااااااااااااااه ايه النعيم ده الي احنا بنبيعه بالرخيص اوووووووووووووووووووووي
الحور العين
خمارها بس اغلى من الدنيا ومافيها
ممكن تفضل حاضنها 40 سنة ومتملش فاذا يجيلك نور ثاني احلى واجمل بكثير اوي من نور الي بييجي من الحور العين
تبص تلاقي زوجتك في الدنيا..
ملكة الحور العين
ايوا ماهي المراة الصالحة في الجنة بتكون اجججججججججججججمل من الحور العين
اعملوا للخلود
خلووووووووووووود فلا موت

وكمان لسه في النعيم الاكبر
نعيم اكبر بكثيييييييييييييييييييييييييييييير من ده كله
:وقت مااهل الجنة بيكونوا بيتنعموا في النعيم اذ بيهم يسمعوا منادي ينادي
"يااهل الجنة يا اهل الجنة"
كلهم يقوموا يقفوا يبصوا وهما خايفين

فاذا بالمنادي يبشرهم
"ان ربكم جلّ وعلا يستزيركم" اي يريد زيارتكم
ياااااااااااااااااااااااالله
ربنا جل في علاه عايز اهل الجنة تزوره
فيروحوا مسرعين نحو المكان الموعود
"الوادي الافيح"
عبيره من مسك
في منابر من لآلئ , منابر من نور, ... كل واحد يقعد على حسب مكانته
ياااااااااالله ما اجملهم وما اجمل هذه اللحظة
فاذا بربهم تبارك وتعالى يقول"يااهل الجنة السلام عليكم"
فيردون " اللهم انت السلام ومنك السلام تباركت يا ذا الجلال والاكرام"
ربنا يقولهم " اتريدون شيئا فازيدكم"

يقولولوا
يا رب الم تبيض وجوهنا
الم تدخلنا الجنة
ونجيتنا من النار
فاي شيئ نريده بعد ذلك"
فربنا يقولهم "يااهل الجنة تريدون شيئا فازيدكم"
فيعلم اهل الجنة ان ربنا جل في علاه ليس بتاركهم حتى يطلبوا شيئ
فيقولولوا
ياااا رب نريد شيء واحد
ان ترضى عنا
فيقولهم "يا عبادي لو لم ارض عنكم ما ادخلتكم جنتي هذه اطلبوا شيئا اخر"
فطلبوا اعظم نعيم في الجنة
اجمل شيء في الجنة
على لسان واحد " يا رب ارنا وجهك ننظر اليك"
يااااااااااااااااااااه هيشوفوا ربنا
في ايه نعيم اكبر من ده
ربنا بيكشف الحجاب
"لهم ما يشاؤون فيها ولدينا مزيد"

اهو المزيد ده هو النظر لوجهه الكريم
ياااااااااا بختهم
يا بخت اهل الجنة بالكرامة دي كلها
" وجوه يومئذ ناضرة لربها ناظرة" "تعرف في وجوهم نظرة النعيم"
اهي دي نظرة النعيم
يرجعوا اهل الجنة ووجوههم مستبشرة فرحانة
كلها نعيييم وسرور
برؤية الرحمن الرحيم
ياااااااااااااااااااااااااااااااااا رب اجعلنا منهم
ياااااااااااااااااااااااااا رب نكون من اهل الجنة
ياااااااااااااااااااااااااااااااا رب ارزقنا الفردوس الاعلى بغير حساب ولا سابق عذاب

استعرض الموضوع السابق استعرض الموضوع التالي الرجوع الى أعلى الصفحة

للمشاركة أنت بحاجة إلى تسجيل الدخول أو الإنضمام إلينا

يجب أن تعرف بنفسك بتسجيل الدخول أو التسجيل فى صن سيت

التسجيل

انضم الينا لن يستغرق منك إلا ثوانى معدودة!


أنشئ حساب جديد

تسجيل الدخول

قم بتسجيل الدخول وانضم لجمهورية صن سيت الكبرى


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى