عقد القران زهق الحرآم
المواضيع الأخيرة
» قولوا لا اله الا الله تفلحوا
من طرف راجية الشهادة أمس في 21:56

» قولوا لا اله الا الله تفلحوا
من طرف راجية الشهادة أمس في 21:56

» محاضرة بعنوان الصدقة
من طرف اسماء أمس في 21:49

» فضل وثواب صلاة الجمعة
من طرف داليا أمس في 21:24

» أين ندمك علي ذنوبك
من طرف داليا أمس في 21:23

» اسئلة مفيدة عن الإستغفار
من طرف داليا أمس في 21:22

» الي متي صلاتنا سريعة
من طرف اسلام أمس في 17:35

» كلمات للأصمعي رحمه الله
من طرف meto الخميس 20 سبتمبر 2018 - 20:14

» بث مباشر لقناة كراميش جوده HD
من طرف شهد صلاح الخميس 20 سبتمبر 2018 - 16:35

» وأنذرهم يوم الحسرة
من طرف راجية الشهادة الأربعاء 19 سبتمبر 2018 - 1:04

اخترنا لك
اشخاص فى صن سيت
مشاهدة المزيد
المتواجدون الآن ؟
ككل هناك 15 عُضو متصل حالياً :: 0 عضو مُسجل, 0 عُضو مُختفي و 15 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 1792 بتاريخ الأحد 29 يناير 2017 - 11:31
اختصار سريع


صل على سيدنا محمد

عقد القران زهق الحرآم

استعرض الموضوع السابق استعرض الموضوع التالي اذهب الى الأسفل

avatar
آيات الله
فريق الادارة

فريق الادارة
اسم الدولة : : مصر
العمر : 18
عدد المساهمات : 1134
المعجبون بمواضيعى : 86
معاينة صفحة البيانات الشخصي للعضو

مُساهمةآيات الله في الخميس 6 يوليو 2017 - 21:14

ّّ~ عقد القران زهق الحرآم ~
حياء بنت فـ 3 ثانوي وكان عندها 18سنه وكانت مختمرة
هي بنت زي أي بنت عاديه ، بتعيش حياتها وبتخرج مع صحابها وبتفتح فيس ، فـ مره وهي قآعده عـ الفيس كانت بتكلم صحابها ؛ لقيت في شات جماعي حد ضفها من البنات اللي عندها والشات ده كان مختلط ، وهي مابتكلمش ولاد اصلا وماتعرفش مين من البنات اللي ضفها !؟
فـ دخلت حياء الجروب عشان تعرف مين ضفها فـ الجروب !
حياء : السلام عليكم
اعضاء الجروب : وعليكم السلام
عضو من الجروب "أحمد" : ياجماعه كل واحد يعرف نفسه
حياء : مابتعرفش علي ولاد , أنا عايزه اعرف مين اللي ضافني فـ جروب مختلط كدا ؟!
عضوه من الجروب "هند" : مالك زعلانه اوي ليه كدا .. أنا اللي ضفتك , ولو مش عجبك اخرجي من الجروب من غير مواعظ ياختي
اعضاء الجروب كلهم : ههههههههههههههههههههههههههههه
عضو من الجروب اسمه "معتصم" وهو كان فـ 3 ثانوي أزهري 19 سنه : ممكن نسكت ياجماعه لو سمحت ... ياانسه انا اسف 100 مره عن سوء أدب الموجودين
أعضاء الجروب : اضايقوا وشتموه
معتصم : ياانسه إخرجي من الجروب بسرعه بعد إذنك
حياء : حاضر ,, وشكرآ علي موقفك
معتصم : العفو ,, أصل عندي اخت اصغر مني
حياء :
رآحو خرجوآ هما الاتنين من الجروب بسرعه !!
وبعد شويه ,,,,معتصم ساب رساله لـ حياء فـ الخاص وقآل فيهآ : أنآ بعتذر عن المهزله اللي حصلت فـ الجروب
شافت حياء رسالته ، وقعدت تفكر شويه وكانت متردده انها ترد ولا لأ عشان مش متعوده تكلم ولد علي الخاص
بس قررت ترد عليه فـ الاخر نظرآ لـ موقفه فـ الجروب معاها وقالتله : حصل خير حضرتك مالكش ذنب
معتصم : حصل خير ,, لو عوزتي حاجه انا موجود فـ الخدمة
حياء شافت الكلام دا راح وشها احمر عشان مش متعوده علي كدا
وقالتله : لآلآلآلآلآلآلآلآ شكرآآآآآ
معتصم : مالك !؟ متخافيش انا مش من الولاد اياهم والله ،، أنا بحب اختي وبخاف عليها جدآ مش ممكن هأذيكي
رآحت قالتله : لا مش خايفه والله ,, بس بصراحه اول مره اكلم ولد ويقولي كدا فـ الخاص
معتصم : علي فكره ياانسه انا كمان مابضفش بنات عندي عشان بخاف علي اختي ,, واكبر دليل إني معملتلش ليكي ادد مع ان واحد مكاني كان استغل الموقف
حياء : ربنا يبارك فيك ، تؤمر بحاجه !؟
معتصم : اه لو مش هضايقك ,, انا احترمتك جدا بس ممكن تعرفيني نفسك , وهمشي علي طول بعدها والله
حياء : ممممممم انا حياء من القاهره ١٨ سنه وفـ 3 ثانوي عام
معتصم : و انا معتصم من البحيره وفـ 3 ثانوي ازهري 19 سنه
علي فكره اسمك جميل جدا ولايق عليكي
حياء : هو حضرتك ازهري
معتصم : أها
حياء : ربنا معاك
معتصم : ومعاكى
حياء : يلا سلام عليكم
معتصم : وعليكم السلام
بعد كدآ حياء قعدت تفكر فـ معتصم لانه اول ولد تكلمه وخصوصا انه ازهري وهي بتتمني زي اي بنت انها تتزوج من ازهري وصاحب مبدأ زي معتصم
وفـ نفس اللحظه بعد مامعتصم خلص كلامه مع حياء قفل الفيس عشان والدته نادهت عليه عشان يأكل مع أخته رقيه
و رقيه هي أخت معتصم الوحيده وفـ 3 إعدادي وكانت متعلقه بـ أخوها جدآ ، ومعتصم بيحبهآ وبيخاف عليها جدا عشان ماكنش ليه غيرها ,,
المهم وهو قاعد بيآكل مع رقيه كان بيبص فـ وشهآ يفتكر كلامه مع حياء ، مع العلم إن معتصم مآبيكلمش بنآت أصلآ وكل إللي حصل كآن صدفه وقضاء وقدر ,,,,بعد كدآ عدي اليوم والتاني ومعتصم نفسه يتكلم مع حياء تاني ،، وخوفه و حبه الشديده لـ أخته رقيه كان بيمنعه
فـ الوقت دآ قررت حياء تقفل الفيس عشان الامتحانات قربت وفاضل عليها شهر ،، وبعد ماقفلت حياء الفيس بـ 3 دقايق بالظبط ، فـ اللحظه دي قرر معتصم يسبلها رساله بيقولها : إزيك ياحياء
يعدي اليوم والتاني وحياء مش بترد عليه !! „
و زعل معتصم إنها مش راضيه ترد عليه ؛ وكانت امتحآنتهم فآضل عليهآ اسبوع ,,
خلصت الإمتحانات وفتحت حياء الفيس وشافت الرساله من معتصم !!
إستغربت !!
ردت عليه وقالتله : أنا كويسه الحمدلله
معتصم عمل seen لـ الرساله وماردش !!
حياء اضايقت انه ماردش ,,
راحت قالتله : يامعتصم
معتصم : عمل seen لـ الرساله وماردش بردو ,,!
حياء : هو في ايه
معتصم : انا حليت وحش فـ الامتحانات بسببك
حياء : ينهار ابيض ليه انا عملت ايه
معتصم : انا كاتب الرساله من امتي !؟
حياء : والله كنت قفله الفيس عشان الإمتحانات
معتصم : المهم مش انتي كويسه
حياء : لأ
معتصم : ليه
حياء : مش عارفه
معتصم : لأ عارفه
حياء : انا هقفل سلام
معتصم : هـــع سلام
حياء :
معتصم :
اليوم دا حياء ومعتصم كانوا هيموتوا من الفرحه ، لحد مآالنتيجه طلعت ، والتنسيق ظهر وكل واحد شاف كليته ، راح معتصم جري بسرعه علي حياء يشوفها دخلت كلية ايه !؟
معتصم : بت ياحياء
حياء : بت فـ عينك
معتصم : الله اتطورنا
حياء :
معتصم : المهم جاتلك كلية ايه
حياء : ألسن , وانت
معتصم :3 هـــع هندسه طبعا
حياء : وكنت بتمثل عليا وتقولى حليت وحش فـ الإمتحانات ياض
معتصم : ياض فـ عينك
حياء : الله اتطورنآ
معتصم : هههههههههههههههههههههههه
حياء : ههههههههههههههههههههه
معتصم : مبروك علينا
حياء : الله يبارك فيك
معتصم : علي فكره جاتلي أزهر القاهره
حياء : طيب
معتصم : اساتر يارب
حياء : يلا سلام
معتصم : ماشي سلام
وكان كل يوم يزيد قربهم من بعض
بعد كدا كل واحد دخل كليته ومعتصم جه القاهره ، وقعدوآ يتكلموآ بعض رسايل لحد اجازه اولي كليه ؛ وجه الوقت المناسب اللي معتصم يصارح حياء إنه بيحبها ونفسه يشوفها ، حياء كانت بتحبه بس كانت خايفه من اللي بتعمله , المهم انها مقدرتش تكتم اللي جوآها
رآحت صرحته بردو بمشاعرها ، وبعتتله صورتها ؛ ولما شافها اتعلق بيها اكتر
وكان احساسه انه ميقدرش يعيش من غيرها
وكتب علي الفيس اللهم لا تحرمني من حلم يراودني #حياء
وعلي الرغم إن حياء بتحب معتصم إلآ إن صيحات ضميرهآ كانت بتتعبها طول الوقت ، ديما تحس انها بتعمل حاجه غلط وضد مبادئها ، وقعدت تكلم نفسها وتقول هو انا ازاي وصلته لـ كدا وازاي خد عليا كدا !!
الكلام بينا لازم يقف !,,جه معتصم يكلمها ويقولها انه ميقدرش يعني يعيش من غيرهآ ^_^
معتصم : يا حياء
حياء : افندم
معتصم : مالك !؟
حياء : مفيش
معتصم : كنت عايز اقولك عـ حاجه مهمه
حياء : اتفضل
معتصم : انا نفسي تكوني ليا
حياء : بتعمل seen لـ الرساله ومش بترد
معتصم : حياء انا بكلمك
حياء : عارفه
معتصم : طب ماردتيش ليه
حياء : أنا هتخطب اصلا
معتصم : مش عارف يرد من الصدمه
حياء : كل شئ نصيب
معتصم : طب ليه
حياء : يلا سلام
كانت اصعب لحظه فـ حياتهم هما الاتنين ، إلآ إن حياء داست علي قلبها فـ سبيل رضي #ربها وسابت معتصم لعل الله يبارك لها فيه ويجمعها بيه علي خير ، وكان فعلآ فـ الفتره دي حياء اتقدملها واحد و أهلها وفقوا عليه
ومعتصم بيفتح صفحتها بالصدفه لقيها بعتاله دعوه لحضور خطوبتها ,,
معتصم في اللحظه دي كان مدمر نفسيا ,, وبالفعل راح يحضر خطوبتها وكان حريص انها ماتشوفهوش عشان ماتزعلش فـ يوم زي دا ,, و اول مره يحس بالعجز و دموعه تنزل غصب عنه ،، روح البيت ونام وكان بيتمني مايصحاش تاني !!
حتي حياء فـ اليوم دا كانت فرحتها مش كامله
ومن ساعتهآ كل واحد قرر يعيش حياته , بعد فتره كدا كانت حياء فـ تانيه كليه خطيبها كان عايزها تقعد من الكليه فـ مارضيتش وفسخت خطوبتها ، وكانت محطمه نفسيا
وقررت انها هتعيش حياتها لله وبس وهتحفظ البنات قرأن ,, و ربنا رزقها #النقاب
فـ نفس الوقت قرر معتصم يبتعد عن الناس شويه ويبقي مع الله ثم أطلق #لحيته وبعد 4 سنين هما الاتنين تخرجوا من كليتهم
قرر معتصم ان يتزوج ، فـ بعت لـ أهله فـ البحيرة ,,و بدأت حياء بتحفيظ البنات القرأن فـ المسجد ، ومن قدر الله كانت أخت معتصم من البنات اللي بتحفظهم حياء
رآحت رقيه تحكي لـ مامتها ان المس بتاعة القران حلوه و مؤدبة وخديها لمعتصم
راح اخوها سمعها ، راح جري علي اخته وشالها من علي الارض راح رماها علي السرير
وقالها عايزه تخلصي مني عشان تاخدي اوضتي ؛ انا قاعدلك علي قلبك يارقيه
قعدوا يضحكوا ويتصورا سيلفي مع بعض
وفـ المره اللي بعدها لما راحت رقيه تحفظ القرأن خدت مامتها معاها توريها مدرسة القرأن
اللي هي حياء
فـ عجبتها أوي و راحت قالت لـ معتصم نعمل مقابله وتبقي رؤيه شرعيه وشوفها عشان هي منتقبه ولو معجبتكش كل شئ نصيب
سمع معتصم لـ كلام أمه ، و خدوا ميعاد لـ زيارة بيتهم ؛ وجه وقت الرؤيه الشرعيه ، وحياء هترفع نقابها ، أول ماخرجت حياء بدون نقاب راحت جريت عليها رقيه اخت معتصم وقالت : أبله حياء حبيبتي , ردت حياء : رقيه ازيك !؟ ؛ حفظتي القران ولا لسه !؟ ؛ ردت رقيه : فاضل 10 ايات واختم البقره ردت حياء : أما اشوف ياستي هتسمعي كويس ولا لأ هعقبك يابت
ضحكت رقيه وجريت عشان تقعد جنب اخوها !
ولما خلصت حياء كلامها مع رقيه رفعت وشها وبصيت لـ معتصم مع تنهيده فرحه
وبصلها معتصم وعينه بتلمع من الفرحه
راح خد نفس طويل و رجع لـ ورا عشان يمسك دموعه ، ماكنوش يتوقعوا بعد فراق 4 سنين القدر يجمعهم
بعد كدا اتفق الاهل علي الخطوبه ،، ويوم الخطوبه وشوشها فـ ودنها وقال : لو ماكنتيش سبتيني ماكناش هنعيش اللحظه دي ، أنا اسعد راجل فـ الدنيا
ردت حياء : تدوم السعـآإده يا رفيق
وبعد خطوبه دامت سنه تم عقد قرانهما ,, فـ بعد العقد مسكت ايده وحطت فيها ورقه فتحها معتصم وكان مكتوب فيها : عقد القران زهق الحرام يا زوجي رفع معتصم راسه بعد ما قرأ الورقه وبصلها وفـ عينه دمعت فرح ... دمتي حبيبتي زوجتي حلمي الذي كان يراودني وقد تحقق الان
معتصم وحياء بصوت هادئ : بارك الله لنا وبارك علينا وجمع بيننا في خير
وفـ النهآيه عرفنآ أن
- قضآء الله نافذ مهما كانت المعوقات والاسباب
- من ترك شئ لله عوضه الله خير منه
هي كانت سايبه معتصم وهو انسان عادي محترم وعنده مبادئ وبيخاف علي بنات الناس ، هي سابته فـ سبيل الله فـ ربنا ردهولها إنسان ملتزم
#من_ترك_شيئا_عوضه_خيرا_منه


avatar
رحمة
رئيس المشرفين

رئيس المشرفين
اسم الدولة : : مصر
العمر : 17
عدد المساهمات : 746
المعجبون بمواضيعى : 183
معاينة صفحة البيانات الشخصي للعضو

مُساهمةرحمة في السبت 8 يوليو 2017 - 19:53

جميلة جدا 
avatar
آيات الله
فريق الادارة

فريق الادارة
اسم الدولة : : مصر
العمر : 18
عدد المساهمات : 1134
المعجبون بمواضيعى : 86
معاينة صفحة البيانات الشخصي للعضو

مُساهمةآيات الله في السبت 8 يوليو 2017 - 22:00

مرورك اجمل
avatar
الهام طالب
النجمتان الفضيتان 50%
النجمتان الفضيتان 50%
اسم الدولة : : الاردن
العمر : 23
عدد المساهمات : 114
المعجبون بمواضيعى : 1
معاينة صفحة البيانات الشخصي للعضو

مُساهمةالهام طالب في الإثنين 31 يوليو 2017 - 2:07

اكثر من رائعة جزاكي الله كل خير
avatar
آيات الله
فريق الادارة

فريق الادارة
اسم الدولة : : مصر
العمر : 18
عدد المساهمات : 1134
المعجبون بمواضيعى : 86
معاينة صفحة البيانات الشخصي للعضو

مُساهمةآيات الله في الأربعاء 2 أغسطس 2017 - 20:07

وجزاكي كل خير
انتي اروع
avatar
شهد صلاح
النجمة الذهبيه 99%
النجمة الذهبيه 99%
اسم الدولة : : فلسطين/الاردن
العمر : 20
عدد المساهمات : 400
المعجبون بمواضيعى : 37
معاينة صفحة البيانات الشخصي للعضو

مُساهمةشهد صلاح في السبت 5 أغسطس 2017 - 2:27

جزاكي الله خير على هذه الاطالة
avatar
آيات الله
فريق الادارة

فريق الادارة
اسم الدولة : : مصر
العمر : 18
عدد المساهمات : 1134
المعجبون بمواضيعى : 86
معاينة صفحة البيانات الشخصي للعضو

مُساهمةآيات الله في الأحد 6 أغسطس 2017 - 20:36

وجزاكي الله خيرا

استعرض الموضوع السابق استعرض الموضوع التالي الرجوع الى أعلى الصفحة

للمشاركة أنت بحاجة إلى تسجيل الدخول أو الإنضمام إلينا

يجب أن تعرف بنفسك بتسجيل الدخول أو التسجيل فى صن سيت

التسجيل

انضم الينا لن يستغرق منك إلا ثوانى معدودة!


أنشئ حساب جديد

تسجيل الدخول

ليس لديك عضوية ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى