حب من النت ........... الجزء الاول
كانت متعوده تروح اى انترنت كافيه بعد ما بقت تعرف تستخدم الانترنت كانت بتكتفى تتكلم مع الناس وتتسلى شويه لمده
ساعه او ساعتين وتقوم وهى ناسيه كل حاجه كانت زى اللعبه لانها مكنتش بتصدق حد من النت
كانت عايشه حياه وهميه مش بتقول لحد حاجه عنها ولا انه يشوف صورتها او انه يسمع صوتها لانها علاقه افتراضيه
هى دى حنين بطله الحكايه
كان يوم عادى لما دخلت الكافيه واخد جهاز وفتحت الماسنجر ودخلت الشات رووم لحد لما لاقت واحد بيكلمها وبيقولها هاى ممكن نتعرف
حنين : هاى طبعا انا هاجر ( اسم وهمى )
الشاب : اسم حلو اوى انا حماده ( ده كان اسم بطل الحكايه )
حنين : اهلا وسهلا منين يا حماده وعندك كام سنه
حماده : انا من اليكس وعندى 33 سنه
حنين : العمر كله انا من كايرو وعندى 23 سنه
حماده : بتدرسى ايه
حنين : تجاره وانت بتشتغل ايه
حماده : انا شغال فى شركه بترول
حنين : انا بحب اليكس اوى
حماده : طبعا امال ايه يا بينتى
حنين : هههههههه ايون طبعا مين يشهد للعروسه
الوقت عدى والساعه اللى بتقعدها حنين خلصت وكان لازم تستئذن عشان وراها محاضرات
حنين : سورى انا لازم امشى لانى عندى محاضرات بجد مبسوطه انى اتعرفت عليك
حماده : خساره الوقت عدى بسرعه ياريت نتكلم تانى هتكونى موجوده امتى
حنين : مش عارفه خليها بظروفها
حماده : اوكى خدى بالك من نفسك
حنين : وانت كمان ( ودى كانت اول مره حد يقولها كده )
قفلت الماسنجر وقامت وهى نفسها ان الكلام معاه يتكرر وانه مش يكون مجرد تسليه مره واحده ودفعت الحساب وروحت
قصة  حب من النت الجزء الاول 13404613154982
___________________________________
يارب تكون عجبتكم بكره ان شاء الله الجزء التاني
لو عجبتك قول رايك ف كومنت
شكرا