شاطر
استعرض الموضوع السابقاذهب الى الأسفلاستعرض الموضوع التالي

إيه الحاجات المهمة اللي المفروض نعملها في فترة الخطوبة ؟

آيات الله
فريق الادارة

فريق الادارة
اسم الدولة : : مصر
العمر : 18
عدد المساهمات : 1155
المعجبون بمواضيعى : 91
معاينة صفحة البيانات الشخصي للعضو
تمت المشاركة في الخميس 22 ديسمبر 2016 - 18:48
إيه الحاجات المهمة اللي المفروض نعملها في فترة الخطوبة ..
1 - لازم يكون رضا ربنا بالنسبالي فوق أي شيء .. لإني لما أرضي ربنا وأبدأ حياتي من أولها صح .. ده هينعكس بشكل كبير على بيتي وعلى البركة اللي هتحل عليه
2 - لازم أبقى عارف الخطوبة دي معمولة ليه ؟ إيه اللي ليا واللي عليا ، إيه الضوابط اللي المفروض أمشي عليها مع شريك حياتي في الفترة دي .. ولا الموضوع عادي مافيهوش ضوابط ؟
3 - هحفر في دماغي جملة " إن فترة الخطوبة هدفها نعرف شخصيات وتفكير بعض كويس لإننا المفروض هنعيش مع بعض عمر كامل وهنربي جيل جديد سوا "
فساعتها بيكون قدامي حل من الاتنين ..
يا أنفذ .. يا أكبر دماغي
لو بدأت أنفذ .. وأناقش الطرف التاني في مواضيع مختلفة علشان أعرف دماغه .. وبدأت أفكر في عيوبه وأشوف هقدر أتعايش معاها ولا لأ ، وبدأت أفكر بكل عقلانية في الموضوع وأبعد جوانب المغريات زي الفلوس والجمال والمنصب ، ساعتها هكون عملت الصح وبإذن الله ربنا هيكرمني في حياتي ..
لو كبرت دماغي .. وسيبت الهدف من الفترة دي .. وبدأنا ندخل في جو بحبك ووحشتيني وعمري ما هزعلك ده .. كونوا على يقين إن عينيكم هتتعمي عن العيوب ، ولو حتى شوفتوها فبتتغاضوا عنها بسبب حالة الحب اللي انتوا عايشينها .. بس بعد الجواز ومع تكرار العيوب دي وعدم قدرتك على تحملها " لإنك ماديتهاش أهميتها لما اكتشفتها" بتبدأ حياتك تقلب جحيم ، وبيطير الحب والحالة الرومانسية وبنبدأ نكره بعض ونعيش بس علشان العيال !!
4 - من حقك ما تكملش لو مش مرتاح .. نقول تاني ..
من حقك ، وأبسط حقوقك إنك تتجوز حد إنتَ قابله ..
حد مقبول شكلاً " وده ملوش دعوة بالجمال " ، ومقبول موضوعاً .. يعني تفكيركم متوافق مع بعض .. وبتعرفوا وقت الخلاف توصلوا لحل وسط
إنما فكرة إننا علطول في خناق ، ومش بنعرف نتفاهم مع بعض أبداً ، ومكملين ، دي ما تنفعش !
ظبطوا علاقتكم دلوقتي أحسن وحاولوا تفهموا بعض .. ولو معرفتوش خالص يبقى متكملوش أرجوكم ، ولو كملتوا اوعى أسمعكم بعد كدة بتقولوا للناس الجواز كله مشاكل ونكد ، لإن المشكلة ساعتها بتكون منكم مش منه
من الآخر يعني ؛
الخطوبة مش وقت الحب .. الخطوبة وقت الدراسة بكل عقلانية علشان منلبسش في الحيطة في الآخر ..
درست الشخص ، ولقيته متوافق معاك والدنيا تمام ، اتجوز وحِب براحتك ، معاك العمر كله والله ماحد هيمنعك
درسته ولقيته مش نافع معاك .. وطول الفترة خناقات وبهدلة وكلام على بعض .. يبقى بلاش تكمل وشوف حد ينفع لشخصيتك أفضل ، وماتعملش حساب لأي حسابات ثانوية زي الناس وهيقولوا إيه ومعرفش إيه ..
كلمة أخيرة ؛
أي حد هيوافق يتجوز حد هو متأكد إنه مش كويس .. لأي سبب كان .. ميلومش بعد كدة إلا نفسه !
وأي حد هيفضل طول فترة الخطوبة يغضب ربنا .. وبعدين ييجي يشكي من غياب الحب والمودة والرحمة .. برضو ميلومش إلا نفسه ..

رد: إيه الحاجات المهمة اللي المفروض نعملها في فترة الخطوبة ؟

نورا
ثلاثته نجوم فضيات
ثلاثته نجوم فضيات
اسم الدولة : : ليبيا
العمر : 30
عدد المساهمات : 141
المعجبون بمواضيعى : 53
معاينة صفحة البيانات الشخصي للعضو
تمت المشاركة في الخميس 22 ديسمبر 2016 - 19:33
موضوع جميل يستحق التقدير

رد: إيه الحاجات المهمة اللي المفروض نعملها في فترة الخطوبة ؟

آيات الله
فريق الادارة

فريق الادارة
اسم الدولة : : مصر
العمر : 18
عدد المساهمات : 1155
المعجبون بمواضيعى : 91
معاينة صفحة البيانات الشخصي للعضو
تمت المشاركة في الجمعة 30 ديسمبر 2016 - 19:37
شكرا

رد: إيه الحاجات المهمة اللي المفروض نعملها في فترة الخطوبة ؟

اسماء
النجمة الذهبيه 50%
النجمة الذهبيه 50%
اسم الدولة : : تونس
العمر : 21
عدد المساهمات : 398
المعجبون بمواضيعى : 55
معاينة صفحة البيانات الشخصي للعضو
تمت المشاركة في الثلاثاء 3 يناير 2017 - 15:20
احسنتي نشرا

رد: إيه الحاجات المهمة اللي المفروض نعملها في فترة الخطوبة ؟

نهال
ثلاثة نجوم ذهبية 50%
ثلاثة نجوم ذهبية 50%
اسم الدولة : : مصر
العمر : 31
عدد المساهمات : 766
المعجبون بمواضيعى : 69
معاينة صفحة البيانات الشخصي للعضو
تمت المشاركة في الأربعاء 4 يناير 2017 - 19:29
كلمات راقية

رد: إيه الحاجات المهمة اللي المفروض نعملها في فترة الخطوبة ؟

آيات الله
فريق الادارة

فريق الادارة
اسم الدولة : : مصر
العمر : 18
عدد المساهمات : 1155
المعجبون بمواضيعى : 91
معاينة صفحة البيانات الشخصي للعضو
تمت المشاركة في الخميس 5 يناير 2017 - 16:16
شكرا جزيلا
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى
Top